സൂറിച്ച്: ട്വന്റി20 ലോക ക്രിക്കറ്റ് കിരീടം നേടിയ ഭാരത നായകന് രോഹിത് ശര്മയുടെ ആഘോഷം അര്ജന്റീന ഫുട്ബോള് ടീം നായകന് ലയണല് മെസിയോടുപമിച്ച് ഫിഫ.
ഭാരത ടീമിനടുത്തേക്ക് പതുക്കെ താളത്തില് നൃത്തച്ചുവടുകളുമായി നടന്നെത്തി കപ്പുയര്ത്തി ആഘോഷിക്കുന്ന ചിത്രമാണ് ഫിഫ പങ്കുവച്ചത്. 2022 ഫിഫ ലോകകപ്പ് നേടിയ വേളയില് മെസി താളത്തില് നടന്നെത്തി ടീമിനൊപ്പം ആഘോഷപൂര്വ്വം കപ്പുയര്ത്തിയ രംഗം ഏറെ പ്രചാരത്തിനിടയാക്കിയിരുന്നു. അതിനോടുപമിച്ച് രോഹിത്തിന്റെ കിരീടനേട്ടത്തെ ആദരിച്ചിരിക്കുകയാണ് ഫിഫ.
2021 കോപ്പ അമേരിക്ക നേടിയപ്പോഴും 2022ല് ഇറ്റലിയെ തോല്പ്പിച്ച് ഫൈനലിസ്സിമ ജേതാക്കളായപ്പോഴും മെസി ഇത്തരത്തില് താളത്തില് നടന്നെത്തി കപ്പുയര്ത്തി ആഘോഷിച്ചിരുന്നു.
