ശ്രീനഗർ: ജമ്മു കശ്മീരിലെ ലഡാക്കില്‍ സൈനിക പരിശീലനത്തിനിടെ ടാങ്ക് അപകടത്തില്‍പ്പെട്ട് അഞ്ച് ഇന്ത്യന്‍ സൈനികര്‍ക്ക് വീരമൃത്യു. ടാങ്കില്‍ നദി കടക്കുന്നതിനിടെ ഉണ്ടായ മിന്നല്‍ പ്രളയത്തില്‍ ഒഴുക്കില്‍പ്പെട്ട സൈനികര്‍ക്കാണ് ജീവന്‍ നഷ്ടമായത്. യഥാര്‍ഥ നിയന്ത്രണരേഖയ്‌ക്ക് സമീപം വെള്ളിയാഴ്ച പുലര്‍ച്ചെ ഒന്നിനായിരുന്നു അപകടം.
മിന്നല്‍ പ്രളയമുണ്ടായതോടെ നദിയിലെ ജലനിരപ്പ് പെട്ടെന്ന് ഉയരുകയായിരുന്നു. ഇതോടെ അഞ്ച് സൈനികരുമായി ടി 72 ടാങ്ക് വെള്ളത്തില്‍ മുങ്ങുകയായിരുന്നു. ഒരു ജെ.സിഒയും നാല് ജവാന്മാരുമാണ് ടാങ്കിലുണ്ടായിരുന്നത്. അഞ്ച് പേരുടെയും മൃതദേഹം കണ്ടെടുത്തതായി കരസേനാ വൃത്തങ്ങള്‍ അറിയിച്ചു.
