മക്കലെസ്റ്റര് (ഒക്ലഹോമ): മുന് ഭാര്യയുടെ ഏഴ് വയസുകാരിയായ മകളെ തട്ടിക്കൊണ്ടുപോയി പീഡിപ്പിച്ച് കൊലപ്പെടുത്തിയ പ്രതിയുടെ വധശിക്ഷ നടപ്പാക്കി. 1984ല് ആണ് ഇയാള് കുറ്റകൃത്യം ചെയ്തത്.
മക്അലെസ്റ്ററിലെ ഒക്ലഹോമ സ്റ്റേറ്റ് പെനിറ്റന്ഷ്യറിയില് ആണ് വധശിക്ഷ നടപ്പാക്കിയത്. മൂന്ന് മയക്കുമരുന്നുകള് കുത്തിവെച്ചാണ് റിച്ചാര്ഡ് റോജെമിന്റെ (66) വധശിക്ഷ നടപ്പാക്കിയത്.1985 മുതല് ഇയാള് ജയിലില് കഴിയുകയായിരുന്നു.
മകള് ലൈല കമ്മിംഗ്സിനെ കൊലപ്പെടുത്തിയതിന്റെ ഉത്തരവാദിത്തം റിച്ചാര്ഡ് നിഷേധിച്ചിരുന്നു.1984 ജൂലൈ 7-ന് ബേണ്സ് ഫ്ലാറ്റ് പട്ടണത്തിന് സമീപമുളള വയലില് നിന്നാണ് കുത്തേറ്റ് മരിച്ച നിലയില് കുട്ടിയുടെ മൃതദേഹം കണ്ടെത്തിയത്. മുമ്പ് മിഷിഗണില് രണ്ട് കൗമാരപ്രായക്കാരായ പെണ്കുട്ടികളെ പീഡിപ്പിച്ച കേസില് റോജെം ശിക്ഷിക്കപ്പെട്ടിരുന്നു.
