കോഴിക്കോട്: മുഖ്യമന്ത്രിക്കെതിരെ ശബ്ദമുയര്ത്താന് സിപിഎമ്മില് ആണ്കുട്ടികള് ഇല്ലെന്ന് കെപിസിസി മുന് അധ്യക്ഷന് മുല്ലപ്പള്ളി രാമചന്ദ്രന്.
മുഖ്യമന്ത്രി പിണറായി വിജയനും മന്ത്രി മുഹമ്മദ് റിയാസിനുമെതിരെ ശബ്ദിക്കാന് സിപിഎമ്മില് ആളുകള് ഇല്ല. സിപിഐയുടെ വിമര്ശനങ്ങള് ജില്ലാ ഘടകത്തില് ഒതുങ്ങിയെന്നും മുല്ലപ്പള്ളി കുറ്റപ്പെടുത്തി. സംസ്ഥാന സെക്രട്ടറി ബിനോയ് വിശ്വം മുഖ്യമന്ത്രിക്ക് മുന്നില് വിനീത വിധേയനാണെന്നും മുല്ലപ്പള്ളി പരിഹസിച്ചു.
ലോക്സഭാ തെരഞ്ഞെടുപ്പില് സിപിഎമ്മിനേറ്റ കനത്ത തോല്വിയുടെ പശ്ചാത്തലാത്തിലാണ് മുലപ്പള്ളിയുടെ വിമര്ശനം. പൊതുപ്രവര്ത്തനത്തില് നിന്ന് മാറി നില്ക്കുകയാണെന്ന കോണ്ഗ്രസ് നേതാവ് കെ. മുരളീധരന്റെ പ്രസ്താവനയോട്, കഴിഞ്ഞ ദിവസവും മുരളി വടകരയില് പരിപാടിയില് പങ്കെടുത്തുവെന്നും മുരളീധരന് എന്താണ് ചെയ്യുന്നതെന്ന് തനിക്കറിയില്ലെന്നുമാണ് മുല്ലപ്പള്ളി പ്രതികരിച്ചത്.
