തിരുവനന്തപുരം : സംസ്ഥാനത്ത് രണ്ട് ദിവസം കൂടി കനത്ത മഴ തുടരുമെന്ന് കാലാവസ്ഥാ വകുപ്പ്. തിരുവനന്തപുരം, കൊല്ലം ജില്ലകളൊഴികെ 12 ജില്ലകളില്‍ മഴ മുന്നറിയിപ്പുണ്ട്. വയനാട്, കണ്ണൂര്‍, കാസര്‍ഗോഡ് ജില്ലകളില്‍ ഓറഞ്ച് ജാഗ്രത പ്രഖ്യാപിച്ചിട്ടുണ്ട്.
ഇന്നും നാളെയും ഒമ്പത് ജില്ലകളില്‍ മഞ്ഞ ജാഗ്രതയാണ്.
കണ്ണൂര്‍, കാസര്‍കോട് ജില്ലകളിലെ തീരപ്രദേശത്തു പ്രത്യേക ജാഗ്രത പുലര്‍ത്തണമെന്ന് നിര്‍ദേശമുണ്ട്. കേരള തീരത്തു പടിഞ്ഞാറന്‍, തെക്ക് പടിഞ്ഞാറന്‍ കാറ്റ് ശക്തമായി തുടരുന്നതും മഴ കനക്കുന്നതിന് കാരണമാണ്.
കാസര്‍ഗോഡ് മൂന്നാംകടവ് കൂവാരയില്‍ ഉരുള്‍പൊട്ടി. ആളപായമില്ല. എന്നാല്‍ വ്യാപക കൃഷിനാശം ഉണ്ടായി.
