അനന്ത് അംബാനിയുടെയും രാധിക മെര്ച്ചന്റിന്റെയും പ്രീ വെഡ്ഡിംഗ് ആഘോഷങ്ങളുടെ ചിത്രങ്ങളും വീഡിയോകളും സോഷ്യല് മീഡിയയില് വൈറലാണ്. ജാംനഗറില് നടക്കുന്ന ആഘോഷങ്ങളെ കുറിച്ച് നടി സാറ അലിഖാന് പറഞ്ഞ വാക്കുകളാണ് ഇപ്പോള് ശ്രദ്ധ നേടുന്നത്. ഭക്ഷണത്തിനൊപ്പം സ്വര്ണ്ണവും വിളമ്പി എന്നാണ് സാറ തമാശയോടെ പറയുന്നത്.
”അവര് റോട്ടിക്കൊപ്പം സ്വര്ണ്ണവും വിളമ്പി, ഞങ്ങള് സ്വര്ണ്ണവും കഴിച്ചു. ഞാന് സത്യമായിട്ടും പറയുകയാണ്, കാണുന്നിടത്തെല്ലാം വജ്രങ്ങള് ഉണ്ടായിരുന്നു. അനന്ദ് അംബാനിക്കൊപ്പം ഞാന് സ്കൂളില് പഠിച്ചിട്ടുണ്ട്. രാധികയെ കുട്ടിക്കാലം മുതലേ എനിക്ക് നന്നായി അറിയാം.
”അവിടെ എത്തിയ എല്ലാവരുടെയും മനസ് നിറയ്ക്കുന്ന രീതിയിലായിരുന്നു ആഘോഷങ്ങള് ഒരുക്കിയത്. അംബാനി കുടുംബത്തെ ഏവരും ഉറ്റു നോക്കുന്നുണ്ട്. ആഡംബരത്തെ കുറിച്ചുള്ള കാഴ്ചപ്പാടുകള്ക്കൊക്കെ അപ്പുറം ഹൃദയം തൊട്ടു നില്ക്കുന്ന നിരവധി മുഹൂര്ത്തങ്ങളും വിവാഹപൂര്വ്വ ആഘോഷത്തില് ഉണ്ടായിരുന്നു.”
”നിതാ അംബാനിയുടെ നൃത്തമായിരുന്നു അവയില് പ്രധാനം. ആഘോഷത്തിന്റെ പകിട്ടിനൊപ്പം വ്യക്തി ബന്ധങ്ങളുടെ പ്രാധാന്യം എടുത്തറിയിക്കുന്ന ഇത്തരം നിമിഷങ്ങള് കൂടി ചേര്ന്നപ്പോഴാണ് അത് മനോഹരമായത്” എന്നാണ് സാറ അലിഖാന് പറയുന്നത്.
അനന്ത് അംബാനിയുടെ പ്രീ വെഡിംഗ് ആഘോഷങ്ങള്ക്കായി ലോകത്തെ തന്നെ ഏറ്റവും വലിയ സെലിബ്രിറ്റികളുടെ നീണ്ട നിരയായിരുന്നു ഉണ്ടായിരുന്നത്. ഹോളിവുഡിലെ സൂപ്പര് ഗായിക റിഹാനയും ആഘോഷത്തില് പങ്കെടുക്കാന് എത്തിയിരുന്നു. 70 കോടിയോളം രൂപ പ്രതിഫലം നല്കിയാണ് റിഹാനയെ അംബാനി കുടുംബം ആഘോഷത്തില് എത്തിച്ചത്.
