മലപ്പുറം: കുവൈത്ത് ദുരന്തത്തില് മരിച്ച തിരൂര് പുറത്തൂര് കൂട്ടായി കോത പറമ്പിന് പടിഞ്ഞാറ് കുപ്പാന്റെ പുരക്കല് പരേതനായ ഹംസയുടെ മകന് നൂഹ് (42), പെരിന്തല്മണ്ണ പുലാമന്തോള് തിരുത്തില് താമസിക്കുന്ന മരക്കാടത്ത്പറമ്പില് വേലായുധന്റെ (മുന് പെരിന്തല്മണ്ണ ബ്ലോക്ക് പഞ്ചായത്ത് മെമ്പര്) മകനായ ബാഹുലേയന് (36) എന്നിവരുടെ മൃതദേഹം സംസ്കരിച്ചു.
നെടുമ്പാശേരി വിമാനത്താവളത്തില് നിന്ന് നാലുമണിയോടെയാണ് മൃതദേഹം പെരിന്തല്മണ്ണ പുലാമന്തോള് തിരുത്തിയിലെ ബാഹുലേയന്റെ വീട്ടിലെത്തിച്ചത്. ഒരു മണിക്കൂറോളം വീട്ടില് പൊതുദര്ശനത്തിന് വെച്ചു. അഞ്ച് മണിയോടെ ഷൊര്ണൂര് ശാന്തിതീരത്ത് സംസ്കരിച്ചു.
തിരൂര് പുറത്തൂര് കൂട്ടായി കോത പറമ്പിന് പടിഞ്ഞാറ് കുപ്പാന്റെ പുരക്കല് പരേതനായ ഹംസയുടെ മകന് നൂഹ് (42) ന്റെ മൃതദേഹം ഉച്ചയോടെ നാട്ടിലെത്തിച്ചു. പൊതു ദര്ശത്തിന് ശേഷം നൂഹിന്റെ മൃതദേഹം വൈകുന്നേരം നാലോടെ കൂട്ടായി റാത്തീബ് പള്ളിയില് കബറടക്കി.
