കോട്ടയം: വേള്‍ഡ് അക്കാദമി ഓഫ് മെറ്റീരിയല്‍ ആന്റ് മാനുഫാക്ചറിംഗ് എന്‍ജിനിയറിംഗിന്റെ പ്രൊഫസര്‍ ഫെഡ്രിക്ക് സ്റ്റൗബ് ഗോള്‍ഡന്‍ ഔള്‍ പുരസ്‌കാരത്തിന് മഹാത്മാ ഗാന്ധി സര്‍വകലാശാലയിലെ സ്‌കൂള്‍ ഓഫ് നാനോ സയന്‍സ് ആന്റ് നാനോ ടെകനോളജി ഡയറക്ടറും മുന്‍ വൈസ് ചാന്‍സലറുമായ പ്രൊഫ. സാബു തോമസ് തിരഞ്ഞെടുക്കപ്പെട്ടു. മെറ്റീരിയല്‍ സയന്‍സ്, മാനുഫാക്ചറിംഗ് എന്‍ജിനിയറിംഗ് എന്നിവയ്‌ക്ക് നല്‍കിയ സംഭാവനകള്‍ കണക്കിലെടുത്താണ് പോളണ്ട് ആസ്ഥാനമായുളള അക്കാദമിയുടെ അംഗീകാരം. പോളിഷ് ഗവേഷകരും രാജ്യാന്തര ശാസ്ത്ര സമൂഹവും തമ്മിലുള്ള സഹകരണം ശക്തമാക്കുന്നതില്‍ പ്രൊഫ.സാബു തോമസ് നിര്‍ണ്ണായക പങ്കുവഹിച്ചതായി അവാര്‍ഡ ് നിര്‍ണ്ണയ സമിതി വിലയിരുത്തി. പോളണ്ടിലെ വിസ്വയില്‍ നടന്ന ചടങ്ങില്‍ പ്രൊഫ.സാബു തോമസിന് പുരസ്‌കാരം സമ്മാനിച്ചു.
