പാലക്കാട് : അവയവക്കടത്ത് കേസില് പാലക്കാട് സ്വദേശി ഷമീറിനെ അന്വേഷണ സംഘം കസ്റ്റഡിയിലെടുത്തു. ഇറാനില് പോയി വൃക്ക നല്കിയ ശേഷം ഇയാളെ കാണാതായിരുന്നു.
ഷമീറിനെ പൊലീസ് ചോദ്യം ചെയ്യുകയാണ്. ശനിയാഴ്ച പുലര്ച്ചയാണ് ഇയാളെ കസ്റ്റഡിയില് എടുത്തത്
ഷമീറിനെ പ്രതിയാക്കണോ സാക്ഷിയാക്കണോ എന്നുള്ളത് അന്വേഷണ സംഘം പിന്നീടേ തീരുമാനിക്കൂ. നേരത്തെ കോയമ്പത്തൂരില് വച്ച് ഇയാളെ കസ്റ്റഡിയില് എടുക്കാന് ശ്രമിച്ചിരുന്നെങ്കിലും നടന്നിരുന്നില്ല.
ഇറാന് തലസ്ഥാനമായ ടെഹ്റാനില് പോയി അവയവ വില്പന നടത്തിയശേഷം ഷമീറിന്റെ ആരോഗ്യ സ്ഥിതി മോശമായിരുന്നു. ഇയാള് ഇടനിലക്കാരനായി പ്രവര്ത്തിച്ചതായും അന്വേഷണ സംഘം സംശയിക്കുന്നുണ്ട്.
