കോട്ടയം: കാലാവസ്ഥാ വ്യതിയാനം മൂലം ഭാവിയില്‍ നേരിടാവുന്ന വെല്ലുവിളികളെ അതിജീവിക്കുന്നതിന് വിപുലമായ മുന്നൊരുക്കങ്ങള്‍ ആവശ്യമാണെന്ന് പരിസ്ഥിതി ദിനാചരണത്തിന്‌റെ ഭാഗമായി മഹാത്മാ ഗാന്ധി സര്‍വകലാശാലയില്‍ നടന്ന ശില്‍പ്പശാലയില്‍ പങ്കെടുത്ത വിദഗ്ധര്‍ ചൂണ്ടിക്കാട്ടി. സംസ്ഥാന ശാസ്ത്ര സാങ്കേതിക പരിസ്ഥിതി കൗണ്‍സിലിനുകീഴിലെ പരിസ്ഥിതി വ്യതിയാന പഠന കേന്ദ്രവും (കെ.എസ്.സി.എസ്.ടി.ഇ) ഇഐഎസിപിയും സര്‍വകലാശാലയിലെ സ്‌കൂള്‍ ഓഫ് എന്‍വയോണ്‍മെന്റല്‍ സയന്‍സും സംയുക്തമായാണ് സെമിനാര്‍ സംഘടിപ്പിച്ചത്. കാലാവസ്ഥയിലെ മാറ്റങ്ങള്‍ ജനങ്ങളെ ബാധിക്കാതിരിക്കുന്നതിന് മാതൃകാപരമായ തയ്യാറെടുപ്പുകള്‍ നടത്തണം. കേരളം. ഭാവിയില്‍ കാലാവസ്ഥാ വ്യതിയാനത്തെ അതിജീവിക്കുന്ന സൗകര്യങ്ങള്‍, ആരോഗ്യം, ജലസുരക്ഷ, സുസ്ഥിര ജീവിത സാഹചര്യങ്ങള്‍ തുടങ്ങിയവ ഉറപ്പാക്കുന്നതിനുള്ള ശാസ്ത്രീയ പദ്ധതികള്‍ ഫലപ്രദമായി നടപ്പാക്കണം. ഇതിന് പണം ആവശ്യമാണ്. ഇത് കണ്ടെത്തുക എന്നത് വലിയ വെല്ലുവിളിയാണ്. മാറുന്ന സാഹചര്യങ്ങളെക്കുറിച്ചും അതിജീവസാഹചര്യത്തെക്കുറിച്ചും അറിയാനും അവസരത്തിനൊത്ത് ഉയര്‍ന്ന് പ്രവര്‍ത്തിക്കാനും സാധിക്കണമെന്ന് ശില്‍പ്പശാല അഭിപ്രായപ്പെട്ടു.
കെ.എസ്.സി.എസ്.ടി.ഇ എക്‌സിക്യൂട്ടീവ് വൈസ് പ്രസിഡന്‌റ് കെ.പി. സുധീര്‍ ശില്‍പ്പശാല ഉദ്ഘാടനം ചെയ്തു.വൈസ് ചാന്‍സലറുടെ ചുമതല വഹിക്കുന്ന ഡോ. ബീനമാത്യു അധ്യക്ഷത വഹിച്ചു.
കാലാവസ്ഥാ വ്യതിയാനം: അതിജീവനത്തിന് മുന്നൊരുക്കങ്ങള്‍ അനിവാര്യമെന്ന് വിദഗ്ധര്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.