കോഴിക്കോട്: നിലവിലെ ധനസ്ഥിതി മോശമാണെന്നും ആരോഗ്യമേഖലയില് സ്വകാര്യ നിക്ഷേപം വേണ്ടിവരുമെന്നും ആരോഗ്യമന്ത്രി കെ. മുരളീധരന് പറഞ്ഞു. സര്ക്കാരിന്റെ എല്ലാ വകുപ്പുകള്ക്കും ഒരു ‘കായകല്പ്പ ചികില്സ’ അനിവാര്യമായിരിക്കുകയാണെന്നും മന്ത്രി പറഞ്ഞു. ഒന്പതിന് കോഴിക്കോട്ട് ആരംഭിക്കുന്ന ആരോഗ്യവകുപ്പിലെ പരാതി പരിഹാര അദാലത്തുകള്ക്ക് ‘കായകല്പ്പ’ എന്നാണ് പേരിട്ടിരിക്കുന്നത്. ജരാനരകള് ബാധിച്ച ഭരണസംവിധാനത്തെ യൗവനത്തിലേക്ക് തിരിച്ചുകൊണ്ടുവരികയാണ് ലക്ഷ്യമെന്നും മുരളീധരന് അവകാശപ്പെട്ടു.
(ശരീരകോശങ്ങളെ പുനരുജ്ജീവിപ്പിച്ച് വാര്ദ്ധക്യം തടയാനും യൗവ്വനം വീണ്ടെടുക്കാനും സഹായിക്കുന്ന അതിസൂക്ഷ്മമായ ഒരു പരമ്പരാഗത ആയുര്വേദ ചികിത്സയാണ് കായകല്പ്പ . കാറ്റും വെളിച്ചവും കൊള്ളാതെ ഔഷധപ്രയോഗങ്ങളും യോഗയും പ്രാര്ത്ഥനയും ചേരുന്ന 45 ദിസവത്തെ ചികിത്സാവിധിയാണ് ഇത്.)
