കോഴിക്കോട് : സംസ്ഥാനത്ത് ആലത്തൂര് ഒഴികെ മറ്റെല്ലാ മണ്ഡലങ്ങളിലും യുഡിഎഫ് തരംഗമാണ് കാണുന്നതെന്ന് വടകരയിലെ ഇടതു സ്ഥാനാര്ത്ഥി കെ കെ ശൈലജ. നവമാധ്യമ പ്രചാരണം ഫലത്തെ സ്വാധീനിച്ചതായും അവര് വ്യക്തമാക്കി.
വടകരയില് ഷാഫി പറമ്പില് മുന്നിട്ടു നില്ക്കുകയാണ്. അത് തുടരാനാണ് സാധ്യതയെന്നാണ് തോന്നുന്നതെന്നും ശൈലജ പറഞ്ഞു.
വോട്ടെണ്ണല് പുരോഗമിക്കുമ്പോള് വടകരയില് യുഡിഎഫ് സ്ഥാനാര്ത്ഥി ഷാഫി പറമ്പിലാണ് ലീഡ് ചെയ്യുന്നത്.വോട്ടെണ്ണലിന്റെ തുടക്കത്തില് ശൈലജ ടീച്ചര് മുന്നിലെത്തിയെങ്കിലും പിന്നീട് ഷാഫി പറമ്പില് ലീഡ് തിരിച്ചു പിടിക്കുകയായിരുന്നു.ട്രെന്ഡ് എന്ന നിലയില് 2019ലെ സമാന സാഹചര്യമാണ് കേരളത്തില് കാണുന്നതെന്നും കെ കെ ശൈലജ പ്രതികരിച്ചു.
