റഷ്യന്‍ യുവതിക്ക് ഇന്ത്യന്‍ വരനെ ആവശ്യമുണ്ട്; അനുയോജ്യരായവര്‍ ക്യൂആര്‍ കോഡ് സ്‌കാന്‍ ചെയ്ത് സന്ദേശം അയച്ചോളു

നിങ്ങള്‍ കല്ല്യാണം കഴിച്ചില്ലേ… പെണ്ണുകിട്ടിയില്ലേ… ഭാഗ്യം നിങ്ങള്‍ക്ക് അനുയോജ്യമെങ്കില്‍ കിടിലന്‍ അവസരമൊരുങ്ങിയിരിക്കുന്നു.

അവിവാഹിതരായ ഇന്ത്യന്‍ യുവാക്കളില്‍ നിന്നും വരനെ ക്ഷണിച്ച് ഇന്‍സ്റ്റഗ്രാം ഇന്‍ഫ്‌ലുവന്‍സറായ റഷ്യക്കാരി. ദിനാര എന്ന റഷ്യന്‍ യുവതിയാണ് വരനെ തേടി ഇന്ത്യയിലെത്തിയത്. ചുവന്ന സാരിയുടുത്ത് ഇന്ത്യയിലെ ഒരു മാളില്‍ തന്റെ ഇന്‍സ്റ്റഗ്രാം പേജിന്റെ ക്യൂആര്‍ കോര്‍ഡ് പിടിച്ചുകൊണ്ടാണ് ദിനാര വിവാഹ അഭ്യര്‍ത്ഥന നടത്തുന്നത്. അനുയോജ്യരായ വരന്മാര്‍ ഈ ക്യൂആര്‍ കോര്‍ഡ് സ്‌കാന്‍ ചെയ്ത് യുവതിക്ക് സന്ദേശമയക്കാം.

വരനെ തേടുന്നതിന്റെ വീഡിയോ റീലാക്കി സ്വന്തം പേജില്‍ ദിനാര പോസ്റ്റു ചെയ്തിട്ടുണ്ട്. റീല്‍ വൈറലായതോടെ ദിനാരയുടെ പോസ്റ്റിന് താഴെ വിവാഹാലോചനയുമായി നിരവധി യുവാക്കളാണ് എത്തുന്നത്. ഇന്ത്യക്കാരനായ വരനെ തേടുന്നു. പക്ഷെ വിവാഹിതനായിരിക്കരുത് എന്നതാണ് ദിനാരയുടെ ഏക ഡിമാന്‍ഡ്.

രസകരമായ നിരവധി കമന്റുകളാണ് ദിനാരയുടെ പോസ്റ്റിന് താഴെ വരുന്നത്. കേരളത്തില്‍ നിന്നും കമന്റുകളുണ്ട്. കേരളത്തിലേക്ക് വരൂ എന്ന കമന്റുകളും പോസ്റ്റിന് താഴെ കാണാം. പലരും തങ്ങള്‍ക്ക് വിവാഹം കഴിക്കാനുള്ള സന്നദ്ധ അറിയിച്ചാണ് കമന്റ് ചെയ്തിരിക്കുന്നത്. മറ്റ് ചിലര്‍ തങ്ങളുടെ സുഹൃത്തുക്കളെയും മെന്‍ഷന്‍ ചെയ്യുന്നുണ്ട്.

എന്നാല്‍ വിവാഹം കഴിക്കാന്‍ താല്‍പര്യമുണ്ട് എന്നാല്‍ ഒരു തവണ വിവാഹം കഴിച്ചു പോയി എന്ന് സങ്കടത്തോടെ പറയുന്നവരുമുണ്ട്.

ഇന്‍സ്റ്റാഗ്രാം പേജിലേക്ക് താഴെ ക്ലിക്ക് ചെയ്യു

https://www.instagram.com/dijidol/?utm_source=ig_embed&ig_rid=d53af6cf-4a80-4351-a0dd-00190f15c9b2