പെരുമ്പാവൂർ : ഹെറോയിനുമായി രണ്ടു ഇതര സംസ്ഥാന തൊഴിലാളികൾ പിടിയിൽ.ആസാം നാഗോൺ സ്വദേശികളായ മോഫിജുൽ അലി(24), മുബാറക്ക് അലി (24) എന്നിവരെയാണ് പെരുമ്പാവൂർ എ എസ് പി യുടെ പ്രത്യേക അന്വേഷണസംഘംപിടികൂടിയത് .
മുബാറക്ക് അലിയെ 20 കുപ്പി ഹെറോയിനുമായും മോഫീജുൽ അലിയെ 5 കുപ്പി ഹെറോയിനുമായും പെരുമ്പാവൂർ മാർക്കറ്റ് പരിസരത്തു നിന്നുമാണ് പിടികൂടിയത്. ഓപ്പറേഷൻ ക്ലീൻ പെരുമ്പാവൂർ പദ്ധതിയുടെ ഭാഗമായി നടന്ന പരിശോധനയിലാണ് അറസ്റ്റ് ചെയ്തത്.
ഒരു കുപ്പി 800 രൂപയ്ക്ക് അതിഥിത്തൊഴിലാളികൾക്കിടയിലാണ് വിൽപ്പന: ആസാമിൽ നിന്നാണ് മയക്ക് മരുന്ന് കൊണ്ടുവന്നത്.ഒരു മാസത്തിനുള്ളിൽ 250 ലേറെ കുപ്പി ഹെറോയി നാണ് പോലീസ് പെരുമ്പാവുരിൽ നിന്ന് പിടികൂടിയത്.
എ എസ് പി മോഹിത്ത് രാവത്ത്,ഇൻസ്പെക്ടർ എം.കെരാജേഷ് സബ് ഇൻസ്പെക്ടർ വി.വിദ്യ , എ എസ് ഐ പി ‘ എ അബ്ദുൽ മനാഫ് ,എസ് സി പി ഓ മാരായ മനോജ് കുമാർ, ടി എ അഫ്സൽ, ബെന്നി ഐസക് എന്നിവരാണ് അന്വേഷണസംഘത്തിൽ ഉണ്ടായിരുന്നത്.
