തിരുവനന്തപുരം: ഗുണ്ടാനേതാവ് തമ്മനം ഫൈസല് വീട്ടില് നടത്തിയ പാര്ട്ടിയില് പങ്കെടുത്ത ആലപ്പുഴ ക്രൈംബ്രാഞ്ച് ഡിവൈഎസ്പി എംജി സാബുവിനെ സസ്പെന്ഡ് ചെയ്യാന് മുഖ്യമന്ത്രി നിര്ദേശം നല്കി. ഈ മാസം 31ന് വിരമിക്കാനിരിക്കുന്ന ഉദ്യോഗസ്ഥനാണ് സാബു.
പാര്ട്ടിയില് പങ്കെടുത്ത രണ്ട് പൊലീസുകാരെ നേരത്തെ സസ്പെന്ഡ് ചെയ്തിരുന്നു. ഒരു സിപിഒയെയും, പൊലീസ് ഡ്രൈവര് എന്നിവര്ക്കാണ് സസ്പന്ഷന് ലഭിച്ചത്. വിജിലന്സില് നിന്നുള്ള മറ്റൊരു പൊലീസുകാരന് കൂടി പാര്ട്ടിയില് പങ്കെടുത്തിരുന്നു. ഇദ്ദേഹത്തെയും കുറച്ച് മുമ്പ് മുമ്പ് സസ്പെന്ഡ് ചെയ്തു.
തമ്മനം ഫൈസലിന്റെ അങ്കമാലിയിലെ വീട്ടില് നടന്ന പാര്ട്ടിയിലാണ് എംജി സാബുവും മൂന്ന് പൊലീസുകാരും പങ്കെടുത്തത്. ഗുണ്ടകള്ക്കെതിരെയുളള നടപടിയുടെ ഭാഗമായി ഫൈസലിന്റെ വീട്ടില് എത്തിയ അങ്കമാലി എസ്ഐയും സംഘവും പൊലീസുകാരെ കണ്ടതോടെയാണ് സംഭവം വെളിച്ചത്ത് വരുന്നത്.
