എറണാകുളം : അങ്കമാലിയില് ഗുണ്ട തമ്മനം ഫൈസല് വീട്ടില് സംഘടിപ്പിച്ച വിരുന്നില് ഡിവൈഎസ്പി എംജി സാബുവും പൊലീസുകാരും പങ്കെടുത്ത സംഭവം എറണാകുളം റൂറല് എസ്പി സ്ഥിരീകരിച്ചു. റിപ്പോര്ട്ട് വിശദമായി പരിശോധിച്ച ശേഷം നടപടി സ്വീകരിക്കും.
ഗുണ്ടാവിരുന്നില് പങ്കെടുത്ത പൊലീസുകാരെ സസ്പന്ഡ് ചെയ്തിട്ടുണ്ട്.ഡിവൈഎസ്പി എം ജി സാബു ഈ മാസം 31 നാണ് സര്വീസില് നിന്ന് വിരമിക്കുന്നത്.വിവാദത്തില് പെട്ടതിനെ തുടര്ന്ന് ഡിവൈഎസ്പിക്ക് നല്കാനിരുന്ന യാത്രയയപ്പ് റദ്ദാക്കി. പരിപാടിക്കായി തയാറാക്കിയിരുന്ന പന്തലും ഡിവൈഎസ്പി ഓഫീസിന് മുന്നില് നിന്ന് അഴിച്ചു മാറ്റി.
വിരുന്ന് സംഘടിപ്പിച്ചത് വിരമിക്കലിന്റെ ഭാഗമാണെന്ന് വിവരം. ആഭ്യന്തര വകുപ്പ് അന്വേഷണം തുടങ്ങിയിട്ടുണ്ട്. വിരുന്നില് പങ്കെടുത്ത ഒരു സിപിഒയെയും പൊലീസ് ഡ്രൈവറെയുമാണ് ആലപ്പുഴ എസ് പി സസ്പെന്റ് ചെയ്തത്. മൂന്നാമത്തെ പൊലീസുകാരന് വിജിലന്സില് നിന്നുള്ളയാളാണ്.
