ദോഹ : ഖത്തറിലെ ദോഹ രാജ്യാന്തര പുസ്തകമേള സന്ദര്ശിച്ച് അമീര് ഷെയ്ഖ് തമീം ബിന് ഹമദ് അല്താനി.ബുധനാഴ്ച രാവിലെയാണ് ദോഹ എക്സിബിഷന് ആന്ഡ് കണ്വന്ഷന് സെന്ററില് നടക്കുന്ന 33-ാമത് ദോഹ രാജ്യാന്തര പുസ്തകമേള കാണാന് അമീര് എത്തിയത്.
ഖത്തറിലെയും സൗഹൃദ, സഹോദര രാജ്യങ്ങളില് നിന്നുള്ള പ്രധാന പുസ്തക പ്രസാധകരുടെയും പവിലിയനുകള് അമീര് സന്ദര്ശിച്ചു. മേളയുടെ അതിഥിയായി പങ്കെടുക്കുന്ന ഒമാന്റെ പവിലിയനും അമീര് സന്ദര്ശിച്ചു.
കുട്ടികള്ക്കായുള്ള പ്രത്യേക മേഖല സന്ദര്ശിച്ച് വിദ്യാഭ്യാസ, സാംസ്കാരിക പരിപാടികളും ബാലസാഹിത്യ ശേഖരങ്ങളും കണ്ടു.
പത്ത് ദിവസം നീണ്ടു നില്ക്കുന്ന മേള 18ന് സമാപിക്കും.
