തിരുവനന്തപുരം : കരമന അഖില് വധക്കേസ് പ്രധാന പ്രതികളായ അഖില് അപ്പുവിനെയും വിനീത് രാജിനെയും പൊലീസ് പിടികൂടി. ഇതോടെ കേസില് ആറ് പേര് പിടിയിലായിട്ടുണ്ട്. കൊലപാതകത്തില് നേരിട്ട് പങ്കെടുത്ത മറ്റൊരു പ്രതി സുമേഷിനായി അന്വേഷണം തുടരുകയാണ്.
അഖിലിനെ ഇന്ന് പുലര്ച്ചെയാണ് തമിഴ്നാട്ടില് നിന്ന് പിടികൂടിയത്. രാവിലെ തിരുവനന്തപുരം ഫോര്ട്ട് സ്റ്റേഷനിലെത്തിച്ചു. നഗരമധ്യത്തിലെ രാജാജി നഗര് കോളനിയില് നിന്നാണ് വിനീത് രാജിനെ ഷാഡോ പൊലീസ് പിടികൂടിയത്.അഖിലിന്റെ തലയ്ക്ക് കല്ലുകൊണ്ട് ഇടിച്ചത് വിനീതാണ്. ഗൂഢാലോചനയില് പങ്കെടുത്ത, മുഖ്യപ്രതികളെ ഒളിവില് കഴിയാന് സഹായിച്ച നാല് പേര് കൂടി പിടിയിലായി. കുട്ടപ്പന് എന്ന അനീഷ്, ഹരിലാല്, കിരണ് കൃഷ്ണ, കിരണ് എന്നിവരാണ് പിടിയിലായ മറ്റുള്ളവര്.
വോട്ടെടുപ്പ് ദിനത്തില് പാപ്പനംകോട്ടെ ബാറില് വച്ചുണ്ടായ തര്ക്കമാണ് ക്രൂരമായ കൊലപാതകത്തിലേക്ക് നയിച്ചത്. കൊല്ലപ്പെട്ട അഖിലും വിനീതും തമ്മില് തര്ക്കമുണ്ടായതിന്റെ പകവീട്ടാനാണ് ഗുണ്ടാസംഘം പട്ടാപ്പകല് വീടിന് സമീപത്ത് വച്ച് അഖിലിനെ ക്രൂരമായി മര്ദ്ദിച്ച് കൊന്നത്.കിരണ് ഒഴികെ മറ്റ് പ്രതികളെല്ലാം, 2019ല് തിരുവനന്തപുരം നഗരത്തെ ഞെട്ടിച്ച അനന്തു വധക്കേസിലെ പ്രതികളാണ്. ക്ഷേത്രോത്സവത്തിനിടെയുണ്ടായ തര്ക്കമാണ് 19കാരനായ അനന്തുവിനെ ക്രൂരമായി മര്ദ്ദിച്ച് കൊലപ്പെടുത്താന് കാരണം. ഈ കേസില് വിചാരണ നീളുന്നതിനിടെ ജാമ്യത്തിലിറങ്ങിയ പ്രതികളാണ് അഖിലിനെ കൊന്നത്.
