മലപ്പുറം: നിലമ്പൂരില് യാത്രയ്ക്കിടെ മധ്യവയസ്കന് സൂര്യാഘാതമേറ്റു. നിലമ്പൂര് മയ്യന്താനി പുതിയപറമ്പന് സുരേഷിനാണ്(53) സൂര്യാഘാതമേറ്റത്. ഇയാളുടെ കൈകളിലും വയറിലും പൊള്ളലേറ്റിട്ടുണ്ട്. പൊള്ളലേറ്റ ഭാഗങ്ങളില് കുമിളകളും പൊങ്ങി.
കഴിഞ്ഞ ദിവസം മമ്പാട് നിന്ന് നിലമ്പൂരിലേക്കുള്ള യാത്രാമദ്ധ്യേയാണ് സംഭവം. കൈകളില് പൊള്ളലേറ്റതിന് സമാനമായ നീറ്റലാണ് ആദ്യം അനുഭവപ്പെട്ടത്. വീട്ടിലെത്തി തണുത്ത വെള്ളത്തില് കഴുകിയപ്പോള് വേദന അനുഭവപ്പെട്ടു.
പിന്നാലെ കൈകളിലും വയറിലും പൊള്ളലേറ്റ ഇടത്ത് കുമിളകള് പൊങ്ങി. തുടര്ന്ന് നിലമ്പൂര് ജില്ലാ ആശുപത്രിയിലെത്തി.ആശുപത്രിയില് നിന്ന് നിന്ന് ഒരു ഓയിന്മെന്റ് നല്കിയെങ്കിലും അത് പുരട്ടിയിട്ടും വേദനയ്ക്കും പൊള്ളലിനും കുറവില്ലെന്നാണ് സുരേഷ് പറയുന്നത്.
