ബീജിങ്: ചൈനയിലെ ആശുപത്രിയില് കത്തിയുമായി അതിക്രമിച്ച് കയറിയ യുവാവ് രണ്ട് പേരെ കുത്തിക്കൊന്നു. യുനാന് പ്രവിശ്യയില് നടന്ന ആക്രമണത്തില് 23 പേര്ക്ക് പരിക്കേറ്റതായും ഔദ്യോഗിക വൃത്തങ്ങള് അറിയിച്ചു. മരണസംഖ്യ ഇനിയും ഉയരുമെന്നാണ് വിവരം.
ഷെന്സിയോങ് കൗണ്ടിയിലെ ഒരു പ്രാദേശിക ആശുപത്രിയിലാണ് ആക്രമണമുണ്ടായത്. സംഭവത്തിന്റെ ഒന്നിലധികം വീഡിയോകള് പുത്തുവന്നിട്ടുണ്ട്. ആശുപത്രിയോട് ചേര്ന്ന് പ്രവര്ത്തിക്കുന്ന വെല്നസ് സെന്ററില് നിന്ന് പോലീസ് യുവാവിനെ പിടികൂടുന്ന ദൃശ്യങ്ങളും പുറത്തുവന്നു.
അടുത്ത കാലത്തായി ചൈനയില് കത്തി ആക്രമണത്തിന്റെ എണ്ണം ക്രമാതീതമായി വര്ധിച്ചിട്ടുണ്ട്. കഴിഞ്ഞ വര്ഷം, തെക്കന് ചൈനയിലെ ഗ്വാങ്ഡോങ്ങിലെ കിന്റര്ഗാര്ട്ടന് പുറത്ത് പുലര്ച്ചെയുണ്ടായ കത്തി ആക്രമണത്തില് ആറ് പേര് കൊല്ലപ്പെടുകയും ഒരാള്ക്ക് പരിക്കേല്ക്കുകയും ചെയ്തിരുന്നു. 2020ല് തെക്കന് ഗ്വാങ്സി മേഖലയിലെ ഒരു പ്രാഥമിക വിദ്യാലയത്തില് നടന്ന കത്തി ആക്രമണത്തില് 37 കുട്ടികള്ക്കും രണ്ട് മുതിര്ന്നവര്ക്കും പരിക്കേറ്റിരുന്നു.
