അഹമ്മദാബാദ്: ചില വിദേശ ശക്തികള് ഭാരതത്തിലെ പൊതു തെരഞ്ഞെടുപ്പിനെ സ്വാധീനിക്കാന് ശ്രമിക്കുന്നുവെന്ന് പ്രധാനമന്ത്രി നരേന്ദ്ര മോദി. ഇന്ത്യ വികസിത രാജ്യമാകാതിരിക്കാനാണ് ചിലര് ആഗ്രഹിക്കുന്നത് എന്നാണ് ഇതില് നിന്ന് മനസ്സിലാക്കാന് കഴിയുന്നത്. ഭാരതത്തിലെ ജനങ്ങള് ഇത് ചെറുത്ത് തോല്പ്പിക്കുമെന്നും അദേഹം പറഞ്ഞു.
അഹമ്മദാബാദിലെ നിഷാന് സ്കൂളിലെത്തി വോട്ട് രേഖപ്പെടുത്തിയ ശേഷമാണ് പ്രധാനമന്ത്രി പ്രതികരിച്ചത്. ഗുജറാത്തിലെ ഗാന്ധിനഗര് മണ്ഡലത്തിലാണ് പ്രധാനമന്ത്രി നരേന്ദ്രമോദി വോട്ട് രേഖപ്പെടുത്തിയത്. എല്ലാവരും വോട്ടെടുപ്പില് പങ്കാളികളാകണമെന്ന് പ്രധാനമന്ത്രി ആഹ്വാനം ചെയ്തു. വോട്ട് ബാങ്കായി വയ്ക്കാനുള്ള ശ്രമത്തെ മുസ്ലിങ്ങള് നേരിടണമെന്നും ഇന്ത്യയിലെ മുസ്ലിങ്ങള് ആത്മപരിശോധന നടത്തണമെന്നും മോദി പറഞ്ഞു.
