കൊച്ചി : നാല് ഗ്രാമോളം എംഡിഎം എയുമായി യുവാവ് പിടിയിൽ. കലൂർ മണപ്പാട്ടിപ്പറമ്പിൽ വീട്ടിൽ ആഷിർ (24) നെയാണ് റൂറൽ ജില്ലാ ഡാൻസാഫ് ടീമും, അങ്കമാലി പോലീസും ചേർന്ന് പിടികൂടിയത്. ബാംഗ്ലൂരിൽ നിന്നും ടൂറിസ്റ്റ് ബസിൽ കടത്തുകയായിരുന്ന രാസലഹരിയാണ് പിടികൂടിയത്.
കെഎസ്ആർടിസി ബസ് സ്റ്റാൻഡിനു മുൻ വശത്ത് വച്ചാണ് കസ്റ്റഡിയിലെടുത്തത്. ബാഗിലെ പ്രത്യേക അറയിലാണ് മയക്ക്മരുന്ന് സൂക്ഷിച്ചിരുന്നത്. കൊച്ചിയിൽ വിൽപ്പനക്കായാണ് കൊണ്ടുവന്നത്. അങ്കമാലിയിൽ ഒരാഴ്ചയ്ക്കുള്ളിൽ പിടികൂടുന്ന രണ്ടാമത്തെ കേസാണിത്.
രണ്ട് ദിവസം മുമ്പ് 200 ഗ്രാം എം.ഡി.എം.എ യുമായി യുവാവിനെ പോലീസ് അറസ്റ്റ് ചെയ്തിരുന്നു. ഡാൻ സാഫ് ടീമിനെ കൂടാതെ എസ്.ഐ എൻ.എസ് റോയി, എസ്. ദേവിക, സീനിയർ സി പി ഒ മിഥുൻ, സി പി ഒ മാരായ സിമിൽ റാം, ഹരികൃഷ്ണൻ തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.
