കൊച്ചി: മുഖ്യമന്ത്രി പിണറായി വിജയന് സ്വകാര്യ സന്ദര്ശനത്തിന് ദുബായിലേക്ക് പോയി. രാവിലെയാണ് നെടുമ്പാശേരി വിമാനത്താവളത്തില് നിന്ന് മുഖ്യമന്ത്രി ദുബായിലേക്ക് തിരിച്ചത്. വ്യക്തിപരമായ ആവശ്യങ്ങളെന്ന് ചൂണ്ടിക്കാട്ടിയാണ് യാത്രയ്ക്ക് മുഖ്യമന്ത്രി അനുമതി തേടിയത്. സ്വകാര്യ സന്ദര്ശനമായതിനാല് സര്ക്കാര് ഔദ്യോഗികമായി വാര്ത്താക്കുറിപ്പ് ഇറക്കിയിട്ടില്ല.
കഴിഞ്ഞ ദിവസമാണ് സന്ദര്ശനത്തിന് കേന്ദ്രസര്ക്കാര് അനുമതി നല്കിയത്. ഇതോടെയാണ് യാത്ര സംബന്ധിച്ച് അന്തിമ തീരുമാനമായത്. മകന്റെ കുടുംബത്തിനൊപ്പം ചെലവഴിക്കാനാണ് യാത്രയെന്നാണ് വിശദീകരണം. അടുത്ത ദിവസങ്ങളില് നിശ്ചയിച്ചിരുന്ന പൊതുപരിപാടികള് മാറ്റിവെച്ചാണ് യാത്ര. ഇതില് ചിലത് പുനക്രമീകരിക്കുമെന്നാണ് വിവരം.
