ന്യൂദല്ഹി: സ്ത്രീകള്ക്കെതിരായ കുറ്റകൃത്യങ്ങളില് ബിജെപിയുടേത് വിട്ടുവീഴ്ചയില്ലാത്ത നിലപാടെന്ന് കേന്ദ്രമന്ത്രി രാജീവ് ചന്ദ്രശേഖര്. ലോക്സഭാ എംപി പ്രജ്വല് രേവണ്ണ ഉള്പ്പെട്ട ലൈംഗികാതിക്രമ ആരോപണം സംബന്ധിച്ച മാധ്യമ പ്രവര്ത്തകരുടെ ചോദ്യങ്ങള്ക്ക് മറുപടി നല്കുകയായിരുന്നു അദ്ദേഹം.
അതേസമയം കോണ്ഗ്രസ് കാണിക്കുന്നത് ഇരട്ടത്താപ്പാണെന്നും സെലക്ടീവ് പ്രതികരണങ്ങളാണ് ഇത്തരം സംഭവങ്ങളുണ്ടാകുമ്പോള് കോണ്ഗ്രസ് നടത്തുന്നതെന്നും അദ്ദേഹം കുറ്റപ്പെടുത്തി.
കര്ണാടകയിലെ കോണ്ഗ്രസ് സര്ക്കാരിന് സംഭവങ്ങളെക്കുറിച്ച് ആഴ്ചകള്ക്കും മാസങ്ങള്ക്കും മുമ്പ് അറിയാമായിരുന്നെങ്കില് എന്തുകൊണ്ടാണ് പ്രതികള്ക്കെതിരെ ഇതുവരെ നടപടിയെടുക്കാഞ്ഞത്. സന്ദേശ്ഖാലി വിഷയത്തിലും കര്ണാടകയിലെ കോണ്ഗ്രസ് നേതാവിന്റെ മകള് നേഹ ഹിരേമത്തിന്റെ കൊലപാതകത്തിലും കോണ്ഗ്രസ് എന്തുകൊണ്ടാണ് നിലപാട് വ്യക്തമാക്കാത്തതെന്നും അദ്ദേഹം ചോദിച്ചു.
