ഷിംല: കോണ്‍ഗ്രസ് നിങ്ങളുടെ മക്കളുടെ സ്വത്തുക്കള്‍ മുസ്ലിങ്ങള്‍ക്ക് കൊടുക്കാന്‍ ആഗ്രഹിക്കുന്നുവെന്ന് ആ പാര്‍ട്ടിയുടെ തെരഞ്ഞെടുപ്പ് മാനിഫെസ്റ്റോയില്‍ ഉണ്ടെന്നും കോണ്ഗ്രസിന്റെ ഈ മാനിഫെസ്റ്റോ തയ്യാറാക്കിയത് വിദേശകരങ്ങളാണെന്നും ആരോപിച്ച് കേന്ദ്രമന്ത്രി അനുരാഗ് താക്കൂര്‍.ഞങ്ങള്‍ മതത്തിന്റെ അടിസ്ഥാനത്തില്‍ സ്വത്തുക്കള്‍ വിഭജിച്ച് നല്‍കില്ല. പകരം എല്ലാവര്‍ക്കും അത് തുല്യമായി വീതിക്കും. -അദ്ദേഹം വ്യക്തമാക്കി.
#WATCH | Hamirpur, Himachal Pradesh: Union Minister Anurag Thakur says, "In the Congress manifesto, along with the hand of the Congress, hands of foreign forces are also visible who want to give your children's property to Muslims, finish the nations nuclear weapons, divide the… pic.twitter.com/3dxJE6avvz
— ANI (@ANI) April 27, 2024
“ഇന്ത്യയുടെ ആണവശക്തിയെ തകര്‍ക്കാന്‍ കോണ്‍ഗ്രസ് ആഗ്രഹിക്കുന്നു. അതുപോലെ ഇന്ത്യയെ ജാതിയുടെ അടിസ്ഥാനത്തില്‍ വിഭജിച്ച് ഛിന്നഭിന്നമാക്കാനും ആഗ്രഹിക്കുന്നു.”- അനുരാഗ് താക്കൂര്‍ പറഞ്ഞു. ഹിമാചല്‍ പ്രദേശിലെ ഹമിര്‍പൂരില്‍ തെരഞ്ഞെടുപ്പ് റാലിയെ അഭിസംബോധന ചെയ്ത് സംസാരിക്കുകയായിരുന്നു അനുരാഗ് താക്കൂര്‍.
“ജാതിക്ക് പുറമെ, പ്രദേശികതയും ഉയര്‍ത്തുകയാണ് കോണ്‍ഗ്രസ്. അതുവഴി ഒറ്റക്കെട്ടായ രാജ്യം എന്ന നിലയില്‍ നിന്നും ഇന്ത്യയെ താഴ്‌ത്തുകയാണ് ലക്ഷ്യം. “- അനുരാഗ് താക്കൂര്‍ പറഞ്ഞു. ഇന്ത്യയെ തുണ്ടം തുണ്ടമാക്കി തകര്‍ക്കാന്‍ ആഗ്രഹിക്കുന്ന ശക്തികള്‍ കോണ്‍ഗ്രസിനെ വളഞ്ഞുകഴിഞ്ഞു. കോണ്‍ഗ്രസ് ആശയങ്ങളെയും അവര്‍ സ്വാധീനിച്ചു കഴിഞ്ഞു.- അനുരാഗ് താക്കൂര്‍ പറഞ്ഞു.
