പാലക്കാട്: ജോലിക്ക് പോകവെ പന്നിയുടെ കുത്തേറ്റ് വീട്ടമ്മയ്ക്ക് പരിക്കേറ്റു.പാലക്കാട് ജില്ലയിലെ വടക്കഞ്ചേരി കണക്കന്തുരുത്തി ചക്കുണ്ട് ഉഷ (48) ക്കാണ് പരിക്ക് പറ്റിയത്.
ശനിയാഴ്ച രാവിലെ 6.45നാണ് സംഭവം.ദേശീയപാത കരാര് കമ്പനിയില് ജോലിക്ക് പോകുന്ന വഴിയില് വച്ചാണ് പന്നി ആക്രമിച്ചത്.അപ്രതീക്ഷിതമായി ഓടിവന്ന പന്നി യുവതിയെ ഇടിക്കുകയായിരുന്നു.
ആക്രമണത്തില് കാലിന് പരിക്കേറ്റു. ഇവര് വടക്കഞ്ചേരിയിലെ സ്വകാര്യ ആശുപത്രിയില് ചികിത്സ തേടി.
