കൊച്ചി : നായരമ്പലം എറ്റിഎച്ച് ബാറിന്റെ പാർക്കിംഗ് ഗ്രൗണ്ടിൽവെച്ചുണ്ടായ വാക്കു തർക്കത്തെ തുടർന്ന് യുവാക്കളെ മർദ്ദിച്ച കേസിൽ ഒളിവിൽ ആയിരുന്ന രണ്ട് പ്രതികൾ പിടിയിൽ. നായരമ്പലം കടുങ്ങാശ്ശേരി ഭാഗത്ത് കണക്കശ്ശേരി വീട്ടിൽ ലിബിൻ പോൾ (29) , ഒഎൽഎച്ച് കോളനി ഭാഗത്ത് ഓടപ്പിള്ളി വീട്ടിൽ ജോമോൻ ( കോടാലി ജോമോൻ 40 ) എന്നിവരെയാണ് ഞാറക്കൽ പോലീസ് അറസ്റ്റ് ചെയ്തത്.
പാർക്കിംഗ് ഗ്രൗണ്ടിൽ വച്ചുണ്ടായ തർക്കത്തെ തുടർന്ന് എട്ടോളം പ്രതികൾ ചേർന്ന് യുവാക്കളെ ബിയർ കുപ്പിയും മറ്റും ഉപയോഗിച്ച് ആക്രമിക്കുകയായിരുന്നു. അക്രമത്തിനുശേഷം പ്രതികൾ ഒളിവിൽ പോവുകയായിരുന്നു. ഇപ്പോൾ അറസ്റ്റിലായ രണ്ടുപേരുംനിരവധി ക്രിമിനൽ കേസുകളിൽ പ്രതികളാണ്.
ഇൻസ്പെക്ടർ സുനിൽ തോമസ്, എസ് ഐ മാരായ അഖിൽ വിജയകുമാർ, എ എസ് ഐ മാരായ സി.എ.ഷാഹിർ, പി.റ്റി.സ്വപ്ന, എസ് സി പി ഓ മാരായ റ്റി.ബി.ഷിബിൻ, കെ.ജി.പ്രീജൻ, സിപിഒ പ്രജിത്ത് എന്നിവരാണ് അന്വേഷണസംഘത്തിൽ ഉണ്ടായിരുന്നത്.
