തിരുവനന്തപുരം: ലോക്സഭ തെരഞ്ഞെടുപ്പിനുള്ള വോട്ടെടുപ്പ് മൊബൈല് ഫോണില് വോട്ടര് ടേണ്ഔട്ട് ആപ്പ് ഇന്സ്റ്റാള് ചെയ്താല് അറിയാനാകുമെന്ന് മുഖ്യ തെരഞ്ഞെടുപ്പ് ഓഫീസര് സഞ്ജയ് കൗള് പറഞ്ഞു. സംസ്ഥാനത്തെ മൊത്തം വോട്ടിങ് നിലയും മണ്ഡലം തിരിച്ചുള്ള വോട്ടിങ് നിലയും അപ്പപ്പോള് അറിയാനാവും. പോളിങ് ശതമാനം രണ്ട് മണിക്കൂര് ഇടവിട്ടാണ് ആപ്പില് ലഭ്യമാവുക.
ഗൂഗിള് പ്ലേ സ്റ്റോറില് നിന്നോ ആപ്പിള് ആപ് സ്റ്റോറില്നിന്നോ ആപ്പ് ഡൗണ്ലോഡ് ചെയ്ത് ഉപയോഗിക്കാം. തെരഞ്ഞെടുപ്പ് കമ്മിഷന്റെ എന്കോര് സെര്വറില് നിന്നുള്ള തത്സമയ വിവരങ്ങളാണ് ആപ്പിലൂടെ ലഭ്യമാകുന്നത്. വോട്ടിങ് ശതമാനം സാമൂഹികമാധ്യമങ്ങളില് പങ്കുവയ്ക്കാനുള്ള സൗകര്യവും ആപ്പിലുണ്ട്. തെരഞ്ഞെടുപ്പ് കാലയളവില് മാത്രമാണ് ഈ ആപ്പ് ഉപയോഗിക്കാനാവുക.
