തൃശൂർ: ഇരിങ്ങാലക്കുടയില് ഇന്നസെന്റുമൊത്തുള്ള സുരേഷ് ഗോപിയുടെ ഫോട്ടോ നീക്കാന് കുടുംബം ആവശ്യപ്പെട്ടോ? അങ്ങനെയൊരു നീക്കം സുരേഷ് ഗോപിയോട് ഏറ്റവും അടുപ്പമുണ്ടായിരുന്ന ഇന്നസെന്റിന്റെ കുടുംബത്തിന്റെ ഭാഗത്തുനിന്നുണ്ടാകില്ല എന്ന വിശ്വാസത്തില് തന്നെയാണ് ഇ്രു താരങ്ങളുടെയും ആരാധകര്.
അനുമതിയില്ലാതെയാണ് ചിത്രം ഉള്പ്പെടുത്തിയതെന്നും ഇത് നീക്കണമെന്നും ഇന്നസെന്റിന്റെ കുടുംബം ആവശ്യപ്പെട്ടു എന്ന തരത്തിലാണ് എല്ഡിഎഫ് ഇരിഞ്ഞാലക്കുട മണ്ഡലം തിരഞ്ഞെടുപ്പ് കമ്മറ്റി പ്രചരിപ്പിക്കുന്നത്.
തൃശ്ശൂര് ലോക്സഭാ മണ്ഡലം എന്ഡിഎ സ്ഥാനാര്ത്ഥി സുരേഷ് ഗോപിക്കൊപ്പം താരസംഘടനയായ അമ്മയുടെ മുന്പ്രസിഡന്റും മുന് എംപിയുമായ അന്തരിച്ച ഇന്നസെന്റ് നില്ക്കുന്ന ചിത്രം തെരഞ്ഞെടുപ്പ് പ്രചാരണ ബോര്ഡില് ഉപയോഗിച്ചതാണ് വിവാദമായത്.
കുടുംബത്തിന്റെ അനുമതിയില്ലാതെ സ്ഥാപിച്ചതാണെന്ന എല്.ഡി. എഫിന്റെ ആക്ഷേപം ഉയര്ന്ന ഉടന്തന്നെ ഈ ചിത്രം നീക്കുകയും ചെയ്തു. ആദരണീയനായ സഹപ്രവര്ത്തകനായിരുന്ന ഇന്നസെന്റുമായി ബന്ധപ്പെട്ട് ഒരു വിവാദമുണ്ടാക്കാന് സുരേഷ് ഗോപി ആഗ്രഹിക്കുന്നില്ല എന്നുള്ളത് മനസ്സിലാക്കിയാണ് ഉടന് ബോര്ഡ് നീക്കിയത്.
എല്ഡിഎഫ് സ്ഥാനാര്ഥി സുനില്കുമാര് ഇന്നസെന്റിനൊപ്പം നില്ക്കുന്ന ചിത്രം കഴിഞ്ഞ ദിവസം ഈ പ്രദേശത്ത് ഉയര്ത്തിയിരുന്നു. അതോടെയാണ് ഒരു സ്വകാര്യ പുരയിടത്തില് സുരേഷ് ഗോപിയും ഇന്നസെന്റും നില്ക്കുന്ന ബോര്ഡ് ഇരുവരുടെയും ആരാധകര് ചേര്ന്ന് സ്ഥാപിച്ചത്.
