ശ്രീനഗര്: കശ്മീരില് പാക് നിര്മിത പിസ്റ്റളും ചൈനീസ് ഗ്രനേഡുകളും കൈവശം വച്ച പ്രധാനാദ്ധ്യാപകനെ പോലീസ് അറസ്റ്റ് ചെയ്തു. പൂഞ്ചിലെ ഹരിബുദ്ധ സ്വദേശിയായ ഖമറുദ്ദീനാണ് അറസ്റ്റിലായത്. വീട്ടില് നിന്നാണ് ഇയാളെ അറസ്റ്റ് ചെയ്തത്.
പാകിസ്ഥാനിലെ ഭീകരവാദ സംഘടനകള്ക്ക് വേണ്ടി പ്രവര്ത്തിക്കുന്ന ഓവര് ഗ്രൗണ്ട് വര്ക്കറാണ് ഖമറുദ്ദീനെന്ന് പോലീസ് അറിയിച്ചു. കശ്മീര് പോലീസിന്റെയും സൈന്യത്തിന്റെയും സംയുക്ത ദൗത്യത്തിലാണ് ഇയാളെ പിടികൂടിയത്.
തെരഞ്ഞെടുപ്പ് തടസപ്പെടുത്തുക എന്നത് ലക്ഷ്യമിട്ടാണ് ആയുധങ്ങളും വെടിക്കോപ്പുകളും ഇയാള് സൂക്ഷിച്ചിരുന്നതെന്ന് അന്വേഷണത്തില് നിന്ന് വ്യക്തമായതായി പോലീസ് പറഞ്ഞു. പ്രദേശത്ത് തെരച്ചില് തുടരുകയാണെന്നും അവര് കൂട്ടിച്ചേര്ത്തു.
