ബെംഗളൂരു: കർണാടകയിൽ എൻഡിഎ സഖ്യം 23 സീറ്റുകൾ സ്വന്തമാക്കുമെന്ന് എബിപി- സി വോട്ടർ അഭിപ്രായ സർവേ. സംസ്ഥാനത്തെ ആകെയുള്ള 28 സീറ്റുകളിൽ 5 എണ്ണം കോൺഗ്രസ് നേടുമെന്നും സർവേ പറയുന്നു. എൻഡിഎ സഖ്യത്തിൽ ബിജെപി 21സീറ്റിലും ജെ.ഡി.എസ് രണ്ട് സീറ്റിലും വിജയിക്കുമെന്നും സർവേ ഫലം പ്രവചിക്കുന്നു.
ഏപ്രിൽ 26 നും മെയ് 7 നുമായി രണ്ടു ഘട്ടങ്ങളിലാണ് സംസ്ഥാനത്ത് തിരഞ്ഞെടുപ്പ് നടക്കുന്നത്. കോൺഗ്രസ് 28 സീറ്റുകളിൽ മത്സരിക്കുന്നുണ്ട്. ബി.ജെ.പി 25 ലും ജെ.ഡി.എസ് 3 ലും ജനവിധി തേടുന്നു. കഴിഞ്ഞ തവണ 25 സീറ്റിലാണ് ബിജെപി മത്സരിച്ചത്.
