കോട്ടയം : മധുര- ഗുരുവായൂര് എക്സ്പ്രസില് യാത്രക്കാരനെ കടിച്ചത് പാമ്പ് തന്നെയെന്ന് സ്ഥിരീകരിച്ച് ഡോക്ടര്. കോട്ടയം ഏറ്റുമാനൂരില് വെച്ചാണ് സംഭവമുണ്ടായതെന്നാണ് വിവരം.
മധുര സ്വദേശി കാര്ത്തിയ്ക്കാണ് കടിയേറ്റത്. യുവാവിനെ കോട്ടയം മെഡിക്കല് കോളേജ് ആശുപത്രിയില് പ്രവേശിപ്പിച്ചു. ഗുരുവായൂര്-മധുര എക്സ്പ്രസിലെ ഏഴാം നമ്പര് ബോഗിയിലാണ് ഇയാള്ക്ക് പാമ്പ് കടിയേറ്റത്. പരിശോധന നടത്തി ബോഗി സീല് ചെയ്തു.ബോഗിയിലെ യാത്രക്കാരെ ഒഴിപ്പിച്ച് ട്രയിന് യാത്ര തുടര്ന്നു. ബോഗിയില് പരിശോധന നടത്തിയെങ്കിലും പാമ്പിനെ കണ്ടെത്താാനായില്ല.
പാമ്പാണോ എലിയാണോ കടിച്ചതെന്ന് ആദ്യം സ്ഥിരീകരിച്ചില്ല. പാമ്പിനെ കണ്ടെന്ന് യാത്രക്കാര് പറഞ്ഞെങ്കിലും റെയില്വേ അധികൃതര് അംഗീകരിച്ചില്ല. പിന്നാലെ ആശുപത്രിയില് പ്രവേശിപ്പിച്ചതിന് ശേഷമാണ് പാമ്പ് തന്നെയാണ് കടിച്ചതെന്ന് സ്ഥിരീകരിച്ചത്.
