ന്യൂദല്ഹി: റേഷന്, വെള്ളം എന്നിവ അടുത്ത അഞ്ചുവര്ഷവും സൗജന്യമായി നല്കുമെന്ന് ബിജെപി പ്രകടനപത്രിക. ആയുഷ്മാന് ഭാരത് പദ്ധതിയിലൂടെ വിലകുറഞ്ഞ മരുന്നുകളുടെ വിതരണവും വരുന്ന അഞ്ചുവര്ഷക്കാലവും തുടരും. ഒരു രാജ്യം ഒരുതിരഞ്ഞെടുപ്പ് നടപ്പാക്കും, വനിതാ സംവരണ നിയമം നടപ്പാക്കും, 6ജി നടപ്പാക്കും, അന്താരാഷ്ട്ര തലത്തില് രാമായണ മഹോത്സവം നടത്തും, രാജ്യത്ത് ബുള്ളറ്റ് ട്രെയിന് നടപ്പാക്കും, മുദ്ര വായ്പ പരിധി 20 ലക്ഷം രൂപയാക്കും തുടങ്ങിയ വാഗ്ദാനങ്ങളും പ്രകടനപത്രികയിലുണ്ട്
പ്രധാനമന്ത്രി നരേന്ദ്ര മോദി പ്രകടനപത്രിക പുറത്തിറക്കി. സര്ക്കാരിന്റെ ക്ഷേമപദ്ധതികളുടെ ഗുണഭോക്താക്കള്ക്ക് പ്രകടനപത്രിക കൈമാറി. 14 ഭാഗങ്ങളുള്ള പ്രകടനപത്രികയാണ പുറത്തിറക്കിയത്. വനിത സംവരണ നിയമം, പുതിയ ക്രിമിനല് നിയമം എന്നിവ നടപ്പാക്കും. ബുള്ളറ്റ് ട്രെയിനുകളും കൂടുതല് വന്ദേഭാരത് ട്രെയിനുകളും കൊണ്ടുവരും. ഇന്ത്യയെ രാജ്യാന്തര നിര്മാണ ഹബ്ബാക്കും. ഇന്ധനവില കുറയ്ക്കും. പെട്രോളിയം ഉല്പന്നങ്ങളുടെ നികുതി കുറയ്ക്കും
ദരിദ്ര വിഭാഗങ്ങള്ക്ക് മൂന്ന് കോടി വീട് കൂടി നിര്മ്മിച്ച് നല്കും. മുദ്രലോണ് 10ലക്ഷത്തില് നിന്നും 20 ലക്ഷമാക്കും. വടക്ക് തെക്ക് ബുള്ളറ്റ് ട്രെയിന് റൂട്ടിന്റെ സാധ്യത പഠനം നടത്തും. പുതിയ ക്രിമിനല് നിയമം, പെട്രോളിയം ഉല്പ്പന്നങ്ങളുടെ നികുതി കുറക്കും. വാതക പൈപ്പ് ലൈന് എല്ലാ വീടുകളിലും എത്തിക്കും. വൈദ്യുതി ബില് പൂജ്യമാക്കും. പുരപ്പുറ സോളാര് പദ്ധതി വ്യാപകമാക്കും. പ്രധാനമന്ത്രി ആവാസ് യോജന വഴി മൂന്ന് കോടി വീടുകള് നിര്മ്മിക്കും. ട്രാന്സ്ജെന്ഡറുകളെ ആയുഷ്മാന് ഭാരത് പദ്ധതിയില് ഉള്പ്പെടുത്തും. ഭിന്നശേഷിക്കാര്ക്ക് പി.എം. ആവാസ് യോജന വഴി വീടുകള് നല്കും. അഴിമതിക്കാര്ക്കെതിരെ കര്ശന നടപടി.തുടങ്ങിയ വാഗ്ദാനങ്ങളും പ്രകടനപത്രികയിലുണ്ട്
ബിജെപിയുടെ പ്രകടനപത്രിക ഊന്നല് നല്കുന്നത് വികസിത ഭാരതത്തിന്റെ നാല് തൂണുകള്ക്കാണെന്ന് പ്രധാനമന്ത്രി പറഞ്ഞു. ഗരീബ് (പാവപ്പെട്ടവര്), യുവ (യുവജനങ്ങള്), അന്നദാത (കൃഷിക്കാര്), നാരി (സ്ത്രീകള്) എന്നിവര്ക്കാണ് ബിജെപിയുടെ പ്രകടനപത്രിക പ്രാമുഖ്യം നല്കുന്നതെന്ന് മോദി പറഞ്ഞു.കഴിഞ്ഞ പത്തുവര്ഷങ്ങള്ക്കിടയില് ബിജെപിയുടെ പ്രകടനപത്രികയിലെ ഓരോ കാര്യങ്ങളും ഗ്യാരണ്ടിയായി നടപ്പാക്കിയിട്ടുണ്ടെന്നും മോദി വ്യക്തമാക്കി.
ബിജെപി അധ്യക്ഷന് ജെപി നദ്ദ, ആഭ്യന്തര മന്ത്രി അമിത് ഷാ, പ്രതിരോധ മന്ത്രി രാജ്നാഥ് സിംഗ് എന്നിവരുടെ സാന്നിധ്യത്തിലാണ് ‘സങ്കല്പ് പത്ര’ എന്നറിയപ്പെടുന്ന തിരഞ്ഞെടുപ്പ് പ്രകടന പത്രിക പുറത്തിറക്കിയത്. രാജ്നാഥ് സിംഗിന്റെ നേതൃത്വത്തിലുള്ള പ്രകടനപത്രിക സമിതി രണ്ടുതവണ യോഗം ചേര്ന്നു. പ്രകടനപത്രികയ്ക്കായി 15 ലക്ഷത്തിലധികം ശുപാര്ശകള് ശേഖരിച്ചു.
