മുംബയ് : വിരമിക്കലിനെ കുറിച്ച് ആലോചിക്കുന്നില്ലെന്നും ടീമിനൊപ്പം ലോകകപ്പ് നേടാനാണ് താത്പര്യമെന്നും ഇന്ത്യന് നായകന് രോഹിത് ശര്മ്മ . . കുറച്ച് വര്ഷങ്ങള് കൂടി കളിക്കണമെന്നുണ്ടെന്നും രോഹിത് പറഞ്ഞു.
ഇപ്പോഴും നന്നായി കളിക്കുന്നുണ്ട്. അതിനാല് ഞാന് കുറച്ച് വര്ഷങ്ങള് കൂടി തുടരാനാകുമെന്നാണ് കരുതുന്നതെന്ന് രോഹിത് ശര്മ്മ വ്യക്തമാക്കി.
തന്നെ സംബന്ധിച്ചിടത്തോളം 50 ഓവര് ലോകകപ്പാണ് യഥാര്ത്ഥ ലോകകപ്പ്. ആ ലോകകപ്പ് കണ്ടാണ് വളര്ന്നത്.ഇത്തവണ ഫൈനല് വരെ ഞങ്ങള് നന്നായി കളിച്ചു. സെമിഫൈനല് ജയിച്ചപ്പോള് ഇനി ഒരു ചുവട് മാത്രം അകലെയെന്ന് കരുതിയെന്നും രോഹിത് പറഞ്ഞു.
എന്നാല് ഫൈനലിന് ഞങ്ങളുടെ മോശം ദിവസമായിരുന്നു. ഫൈനലില് ഞങ്ങള് മോശം ക്രിക്കറ്റ് കളിച്ചുവെന്ന് കരുതുന്നില്ല. ചില കാര്യങ്ങള് ഞങ്ങളുടെ വഴിക്ക് പോയില്ല. ഓസ്ട്രേലിയ ഞങ്ങളെക്കാള് അല്പ്പം കൂടി മികവ് കാട്ടിയെന്നും രോഹിത് പറഞ്ഞു.
