ചേര്‍ത്തല: എസ്ഡിപിഐയുടെ വോട്ട് വേണ്ടണം എന്ന് പറയേണ്ട ഗതികേടിലേക്ക് യുഡിഎഫിന് തരംതാഴേണ്ടി വന്നത് ബിജെപിയുടെ രാഷ്‌ട്രീയ നയത്തിനുള്ള അംഗീകാരമാണെന്ന് ബിജെപി ദേശീയ വൈസ് പ്രസിഡന്റ് എ.പി. അബ്ദുള്ളക്കുട്ടി. എന്‍ഡിഎ ചേര്‍ത്തല മണ്ഡലം തെരഞ്ഞെടുപ്പ് കണ്‍വന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം.
കേരള സ്റ്റോറി സിനിമ ദൂരദര്‍ശനില്‍ കാണിക്കുന്നതിരെ ശബ്ദിക്കുന്ന മുഖ്യമന്ത്രി എന്തിനെയും വര്‍ഗീയവല്‍ക്കരിക്കുന്ന രാഷ്‌ട്രീയ വൈകൃതത്തിന്റെ വക്താവാണ്. അരവിന്ദ് കെജ്രിവാള്‍ അകത്തായതു മുതല്‍ പിണറായിക്ക് ഉറക്കമില്ലാതായി. 2047 ഓടെ മോദി സര്‍ക്കാരിന്റെ വികസന പദ്ധതികള്‍ ഭാരതത്തെ വികസിത രാഷ്‌ട്രമാക്കും.
മണ്ഡലം പ്രസിഡന്റ് അഭിലാഷ് മാപ്പറമ്പില്‍ അദ്ധ്യക്ഷനായി. ബിഡിജെഎസ് സംസ്ഥാന ജനറല്‍ സെക്രട്ടറി അഡ്വ.പി.എസ്. ജ്യോതിസ് മുഖ്യപ്രഭാഷണം നടത്തി. ബിജെപി മണ്ഡലം ജനറല്‍ സെക്രട്ടറിമാരായ അരുണ്‍ കെ. പണിക്കര്‍, പി. പ്രശാന്ത്, ജില്ലാ വൈസ് പ്രസിഡന്റ് ടി. സജീവ് ലാല്‍, സംസ്ഥാന സമിതി അംഗം സി.എ. പുരുഷോത്തമന്‍, ബിഡിജെഎസ് മണ്ഡലം പ്രസിഡന്റ് വിനോദ് കോയിക്കല്‍, അഡ്വ. പ്രേംകുമാര്‍, സോമന്‍, രാജീവന്‍, ആശാ മുകേഷ്, അമ്പിളി അപ്പുജി, രസ്ന, സൗമ്യ, മഹേഷ്, ബിജിറാണി, സൗമ്യ എന്നിവര്‍ പ്രസംഗിച്ചു.
