ആലപ്പുഴ: കായംകുളം എംഎസ്എം കോളേജിലെ വിദ്യാർത്ഥികൾ ഹമാസ് ഭീകരരുടെ വേഷം ധരിച്ച് നഗരമധ്യത്തിലൂടെ പ്രകടനം നടത്തുന്ന ദൃശ്യങ്ങൾ സമൂഹമാധ്യമങ്ങളിൽ. വ്യാജ തോക്കുകളുമേന്തി വടിവാളുമായി ഭീതി പടർത്തുന്ന തരത്തിൽ നടത്തിയ പ്രകടനമാണ് വൈറലായിരിക്കുന്നത്. കഴിഞ്ഞ ദിവസം കോളേജിലെ ആർട്സ് ഡേ ആയിരുന്നു. ഇതിനോട് അനുബന്ധിച്ചാണ് വിദ്യാർത്ഥികൾ ഹമാസ് ഭീകരരുടെ വേഷങ്ങൾ ധരിച്ച് പ്രകടനം നടത്തിയത്.
നഗരമദ്ധ്യത്തിലൂടെ നടന്നെത്തി ഇവർ ക്യാമ്പസിലേക്ക് പ്രവേശിക്കുകയായിരുന്നു. ഇവരുടെ പക്കൽ ഹമാസിന്റെ കൊടിയും വ്യാജ ആയുധങ്ങളും ഉണ്ടായിരുന്നു. ഇടത്- ജിഹാദി സംഘടനകളിൽ ഉൾപ്പെട്ട വിദ്യാർത്ഥികളാണ് സംഭവത്തിന് പിന്നിൽ എന്നാണ് സൂചന. ആർട്സ് ഡേയുടെ ഭാഗമായുള്ള ഫാൻസി ഡ്രസ് മാത്രമായിരുന്നു ഇതെന്നാണ് സംഭവത്തിൽ ഉൾപ്പെട്ട വിദ്യാർത്ഥികൾ പറയുന്നത്.
കറുത്ത നിറത്തിലെ വസ്ത്രങ്ങളും മുഖംമൂടിയും ധരിച്ച് കണ്ണുകൾ മാത്രം കാണിച്ച് കൈകളില് ആയുധങ്ങളുമായി പൊതുനിരത്തിലൂടെ മാര്ച്ച് ചെയ്യുന്ന ഒരു കൂട്ടം ചെറുപ്പക്കാരുടെ ദൃശ്യങ്ങളാണ് വൈറൽ ആയത്. ഈ ദൃശ്യങ്ങള് സോഷ്യൽ മീഡിയയിലൂടെ കഴിഞ്ഞ ദിവസം മുതൽ പ്രചരിച്ചു വരികയാണ്. ഇവരില് പലരുടേയും കൈയ്യിലെ പലസ്തീന് പതാകയും ചേർന്ന് വരുമ്പോൾ തീവ്രവാദ സംഘടനയായി ചിലരാജ്യങ്ങൾ കണക്കാക്കുന്ന ഹമാസ് പ്രവർത്തകരുടെ സായുധ പ്രകടനത്തിന്റെ ദൃശ്യങ്ങൾ പോലെയാണ്.
ഇതിലെ വീഡിയോ പങ്കുവച്ച് കൊണ്ട് ബിജെപി നേതാവും ആലപ്പുഴയിലെ എന്ഡിഎ സ്ഥാനാര്ത്ഥിയുമായ ശോഭാ സുരേന്ദ്രൻ ആഭ്യന്തരമന്ത്രി അമിത് ഷായെയും ദേശീയ അന്വേഷണ ഏജൻസിയെയും (എന്ഐഎ) ടാഗ് ചെയ്ത് എക്സിൽ പോസ്റ്റ് ചെയ്തു.
“ഹമാസ് ആലപ്പുഴയിലോ? വോട്ടിനുവേണ്ടി കോണ്ഗ്രസും സിപിഎമ്മും തീവ്രവാദ സംഘടനയായ എസ്ഡിപിയെ പിന്തുണക്കുകയും അവർ ഹമാസ് തീവ്രവാദികളുടെ വേഷമിട്ട് പരസ്യമായി രംഗത്തുവരികയും ചെയ്യുന്നു. സൗമ്യ സുരേഷ് പോലുള്ള മലയാളികൾ ഹമാസ് ആക്രമണത്തില് മരിക്കുകയും ഒട്ടേറെ ഇന്ത്യക്കാര്ക്ക് പരുക്കേല്ക്കുകയും ചെയ്തിട്ടുണ്ട്. തീവ്രവാദ സ്വഭാവമുള്ള ആലപ്പുഴയിലെ സ്ലീപ്പര് സെല്ലുകള് ഒരു മുന്നറിയിപ്പാണ്.”- ശോഭാ സുരേന്ദ്രൻ പോസ്റ്റിൽ പറയുന്നു.
Hamas in Alappuzha? Congress and CPM have empowered radical outfits such as SDPI in return for their votes to such an extent that they are carrying out processions dressed as Hamas terrorists. Indians were injured and killed in Hamas attacks in Israel, including 32-year-old… pic.twitter.com/aLhi3O775N
— Sobha Surendran (@SobhaBJP) April 3, 2024
പ്രതികരിക്കാൻ ഇവിടെ എഴുതുക: