ചെട്ടികുളങ്ങര: ‘വീണ്ടെടുക്കാം ആലപ്പുഴയുടെ ശോഭ ‘ എന്ന പേരില് എന്ഡിഎ പുറത്തിറക്കിയ തെരഞ്ഞെടുപ്പ് ഗാനങ്ങളുടെ പ്രകാശനം ബിജെപി സംസ്ഥാന ഉപാദ്ധ്യക്ഷനും സിനിമാ താരവുമായ ദേവന് നിര്വ്വഹിച്ചു.പ്രശസ്ത ഗാന രചയിതാവ് രാജീവ് ആലുങ്കല് രചനയും ഈണവും നിര്വഹിച്ച തെരഞ്ഞെടുപ്പ് ഗാനങ്ങളുടെ സിഡി ബിജെപി സംസ്ഥാന ഉപാധ്യക്ഷന് അഡ്വ. ബി. ഗോപാലകൃഷ്ണന് കൈമാറിയാണ് ഉത്ഘാടനം നിര്വഹിച്ചത്.
ബിജെപി സംസ്ഥാന സെക്രട്ടറി അഡ്വ. പന്തളം പ്രതാപന്, ജില്ലാ ജനറല് സെക്രട്ടറി വിമല് രവീന്ദ്രന്, സ്ഥാനാര്ത്ഥി ശോഭാസുരേന്ദ്രന്, ദക്ഷിണ മേഖല സെക്രട്ടറി വി.എസ്. ജിതിന് ദേവ്, സംസ്ഥാന സമിതി അംഗങ്ങളായ പാലമറ്റത്ത് വിജയകുമാര്, പാറയില് രാധാകൃഷ്ണന്, ചെട്ടികുളങ്ങര മണ്ഡലം പ്രസിഡന്റ് മോനിഷ മോഹന്, ശ്രീദേവ് ആനന്ദ്, ബിഡിജെഎസ് ജില്ലാ സെക്രട്ടറി സതീഷ് എന്നിവര് പങ്കെടുത്തു.
