തിരുവനന്തപുരം: നെയ്യാറ്റിന്കരയില് യുവാവിനെ വെട്ടിക്കൊലപ്പെടുത്തി. നെയ്യാറ്റിന്കര കൊടങ്ങാവിളയില് കൊടങ്ങാവിള സ്വദേശി ആദിത്യന് (23) ആണ് മരിച്ചത്.
രാത്രി 7.30 ഓടെയായിരുന്നു സംഭവം.
സാമ്പത്തിക ഇടപാടാണ് കൊലയ്ക്ക് പിന്നിലെന്നാണ് പ്രാഥമിക നിഗമനം. അമരവിളയിലെ മൈക്രോ ഫിനാന്സ് സ്ഥാപനത്തിലെ കളക്ഷന് ഏജന്റാണ് ആദിത്യന്.
കഴിഞ്ഞ ദിവസം നെല്ലിമൂട് പാട്ട്യാകാലയിലെ ജിബിന് എന്ന യുവാവുമായി ആദിത്യന് വാക്കുതര്ക്കമുണ്ടായിരുന്നു. ഇതിനുശേഷം ഇന്ന് രാത്രി ജിബിന് നാലുപേരെ കൂട്ടിയെത്തി ആദിത്യനെ വെട്ടിക്കൊലപ്പെടുത്തുകയായിരുന്നു. കൊടുങ്ങാവിള ജംഗ്ഷനില് വച്ചായിരുന്നു കൊലപാതകം.
ആദിത്യന്റെ മൃതദേഹം നെയ്യാറ്റിന്കര ജനറല് ആശുപത്രിയിലേക്ക് മാറ്റി. സംഭവത്തില് നെയ്യാറ്റിന്കര പൊലീസ് കേസെടുത്ത് അന്വേഷണം തുടങ്ങി.
