കൊച്ചി: തെരഞ്ഞെടുപ്പ് അടുത്തതോടെ വിശ്വാസികളല്ലാത്ത കമ്മ്യൂണിസ്റ്റുകാര് വോട്ട് ലക്ഷ്യമിട്ട് ക്ഷേത്രങ്ങള് കയറിയിറങ്ങുകയാണെന്നും ഇത്തരക്കാരെ വിശ്വാസികളായ വോട്ടര്മാര് തിരിച്ചറിയണമെന്നും വിശ്വഹിന്ദു പരിഷത്ത് സംസ്ഥാന പ്രസിഡന്റ് വിജി തമ്പി, ജനറല് സെക്രട്ടറി വി.ആര്. രാജശേഖരന് എന്നിവര് വാര്ത്താക്കുറിപ്പില് വ്യക്തമാക്കി.
ഹിന്ദു വിശ്വാസികളെ നിരന്തരമായി നിന്ദിക്കുകയും തള്ളിക്കളയുകയും ചെയ്ത ഇക്കൂട്ടര് ഇപ്പോള് വോട്ടു കിട്ടാന് വേണ്ടി മുഖം മൂടിയണിഞ്ഞ് ക്ഷേത്രങ്ങള് തോറും കയറിയിറങ്ങുകയും വിശ്വാസികളുടെ കാലില് വീഴുകയും ചെയ്യുകയാണ്. കണ്ണില് പൊടിയിടാന് ശ്രമിക്കുന്ന ഇവരെ വിശ്വാസികള് അകറ്റി നിര്ത്തണം. ഏതു വിധേനയും വോട്ടു കിട്ടുകയെന്ന ഒറ്റ ലക്ഷ്യം മാത്രമാണിക്കൂട്ടര്ക്കുള്ളത്. കാര്യം കഴിഞ്ഞാല് പിന്നെ ഇവര് പഴയ നിലപാടിലേക്ക് മടങ്ങുകയും ചെയ്യും. ഇത് വിശ്വാസികള് തിരിച്ചറിയണമെന്നും വിഎച്ച്പി നേതാക്കള് വ്യക്തമാക്കി.
