ചെന്നൈ: തമിഴ്‌നാട് ബിജെപി അദ്ധ്യക്ഷന്‍ കെ. അണ്ണാമലൈ ലോക്‌സഭാ തെരഞ്ഞെടുപ്പിന് നാമനിര്‍ദ്ദേശ പത്രിക സമര്‍പ്പിച്ചു. കോയമ്പത്തൂര്‍ മണ്ഡലത്തില്‍ നിന്നാണ് അദ്ദേഹം മത്സരിക്കുന്നത്.
ജില്ലാ കളക്ടര്‍ ക്രാന്തികുമാര്‍ പതിക്ക് മുമ്പാകെയാണ് അദ്ദേഹം പത്രിക സമര്‍പ്പിച്ചത്. കോയമ്പത്തൂര്‍ സൗത്ത് എംഎല്‍എയും മഹിളാമോര്‍ച്ച ദേശീയ അദ്ധ്യക്ഷയുമായ വാനതി ശ്രീനിവാസനും പാര്‍ട്ടി നേതാക്കളുക്കുമൊപ്പമാണ് അദ്ദേഹം കളക്ടറേറ്റില്‍ എത്തിയത്.
പത്രിക സമര്‍പ്പിക്കുന്നതിന് മുമ്പായി അദ്ദേഹം അരുള്‍മിഗു കോനിയമ്മന്‍ ക്ഷേത്രത്തില്‍ പ്രാര്‍ത്ഥനയും റോഡ്‌ഷോയും നടത്തി. മുന്‍ കര്‍ണാടക കേഡര്‍ ഐപിഎസ് ഓഫീസറായ അണ്ണാമലൈ 2019ലാണ് സര്‍വീസില്‍ നിന്ന് രാജിവെച്ചത്. 2020ല്‍ അദ്ദേഹം ബിജെപിയില്‍ ചേര്‍ന്നു. ഒരു വര്‍ഷത്തിന് ശേഷം 37ാം വയസില്‍ ബിജെപി സംസ്ഥാന അദ്ധ്യക്ഷനായി അദ്ദേഹം നിയമിതനായി. ബിജെപി സംസ്ഥാന അദ്ധ്യക്ഷനാകുന്ന ഏറ്റവും പ്രായം കുറഞ്ഞ വ്യക്തിയുമാണ് അദ്ദേഹം.
പ്രതികരിക്കാൻ ഇവിടെ എഴുതുക: