കിളിമാനൂര്: എട്ടാം ക്ലാസുകാരിയായ വിദ്യാര്ത്ഥിനിയെ ലൈംഗികമായി പീഡിപ്പിയ്ക്കാന് ശ്രമിച്ച മധ്യവയസ്കന് അറസ്റ്റില്. വെള്ളല്ലൂര്, മാത്തയില്, ഉദയഗിരി വീട്ടില് ജോണ്സന്(54) ആണ് പോക്സോ നിയമപ്രകാരം അറസ്റ്റിലായത്. കഴിഞ്ഞ ദിവസം രാവിലെ 10 ന് വീട്ടില് നിന്നും ട്യൂഷന് സെന്ററിലേക്ക് നടന്ന് പോകുകയായിരുന്ന പെണ്കുട്ടിയെ ട്യൂഷന് സെന്ററില് കൊണ്ടുവിടാമെന്ന് പറഞ്ഞ് കാറില് കയറ്റി വിജനമായ സ്ഥലത്തുവച്ച് പീഡിപ്പിയ്ക്കാന് ശ്രമിക്കുകയായിരുന്നു എന്ന് പോലീസ് പറഞ്ഞു.
പെണ്കുട്ടി ചെറുത്തു നിന്ന് ബഹളം വച്ചതോടെ പ്രതി ട്യൂഷന് സെന്ററിന് സമീപം പെണ്കുട്ടിയെ ഇറക്കി വിട്ട് കടന്നു കളഞ്ഞു. പെണ്കുട്ടി ട്യൂഷന് സെന്ററിലെ അദ്ധ്യാപകനോട് ഈ വിവരം ധരിപ്പിക്കുകയും തുടര്ന്ന് രക്ഷിതാക്കള്ക്ക് വിവരം നല്കുകയുമായിരുന്നു. രക്ഷിതാക്കള് കിളിമാനൂര് പൊലീസ് സ്റ്റേഷനില് പരാതി നല്കി. തുടര്ന്ന് നടന്ന അന്വേഷണത്തിലാണ് ഇയാള് പിടിയിലായത്.
കിളിമാനൂര് എസ്എച്ച്ഒ ബി.ജയന്റെ നേതൃത്വത്തില് എസ്.ഐ മാരായ രാജികൃഷ്ണ, ഷാനവാസ്, താഹിറുദ്ദീന് സി പിഒ ശ്രീരാജ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. പോക്സോ നിയമപ്രകാരം അറസ്റ്റ് ചെയ്ത പ്രതിയെ കോടതയില് ഹാജരാക്കി റിമാന്ഡ് ചെയ്തു.
