വിഴിഞ്ഞത്ത് ടിപ്പര്‍ ലോറിയില്‍ നിന്നും കല്ല് തെറിച്ചുവീണ് മരിച്ച അനന്തുവിന്റെ കുടുംബത്തിന് ഒരു കോടി രൂപ നഷ്ടപരിഹാരം നല്‍കുമെന്ന് അദാനി ഗ്രൂപ്പ്. അനന്തുവിന്റെ കുടുംബത്തിന് ഒരു കോടി നല്‍കാമെന്ന് അദാനി ഗ്രൂപ്പ് പ്രതിനിധികള്‍ അനന്തുവിന്റെ വീട്ടിലെത്തി വീട്ടുകാരെ അറിയിച്ചു.
മുന്‍പ് ടിപ്പര്‍ അപകടത്തില്‍ കാല്‍ നഷ്ടമായ സന്ധ്യാറാണിയ്‌ക്കും നഷ്ടപരിഹാരം നല്‍കുമെന്ന് അദാനി ഗ്രൂപ്പ് അറിയിച്ചു. കുടുംബത്തിന് ധനസഹായം നല്‍കണമെന്ന ആവശ്യം ശക്തമായി ഉയര്‍ന്നുവന്ന സാഹചര്യത്തിലാണ് അദാനി ഗ്രൂപ്പിന്റെ ഈ തീരുമാനം.
അനന്തു ബിഡിഎസ് വിദ്യാര്‍ത്ഥിയായിരുന്നു. കഴിഞ്ഞ ആഴ്ചയിലാണ് 24കാരനായ അനന്തുവിന്റെ ദേഹത്തേക്ക് വിഴിഞ്ഞം പദ്ധതിയ്‌ക്കായി പോവുകയായിരുന്ന ടിപ്പര്‍ ലോറിയില്‍ നിന്നും കല്ല് തെറിച്ചുവീണ് അപകടമുണ്ടായിരുന്നു.
