ലക്‌നൗ : ലക്‌നൗ സൂപ്പര്‍ ജയന്റ്സ് നായകന്‍ കെ എല്‍ രാഹുല്‍ ഐ പി എല്ലില്‍ ആദ്യ മത്സരം മുതല്‍ കളത്തിലിറങ്ങും. എന്നാല്‍ ആദ്യ മത്സരങ്ങളില്‍ കെ എല്‍ രാഹുല്‍ വിക്കറ്റ് കീപ്പറുടെ റോളില്‍ ഉണ്ടാകില്ല.
പരിക്കേറ്റ താരം പൂര്‍ണ ഫിറ്റ്‌നസ് വീണ്ടെടുത്തിട്ടില്ല. ദേശീയ ക്രിക്കറ്റ് അക്കാദമിയില്‍ നിന്ന് രാഹുലിന് ഫിറ്റ്‌നസ് ക്ലിയറന്‍സ് കിട്ടിയിട്ടുണ്ട്.
കെ എല്‍ രാഹുല്‍ ഇന്നലെ ലക്‌നൗ സൂപ്പര്‍ ജയന്റ്‌സിനൊപ്പം ചേര്‍ന്നു. ഇംഗ്ലണ്ടിനെതിരായ ആദ്യ ടെസ്റ്റിനിടെ ആയിരുന്നു രാഹുലിന് പരിക്കേറ്റത്. ടെസ്റ്റ് പരമ്പരയിലെ പിന്നീടുള്ള മത്സരങ്ങളില്‍ താരത്തിന് കളിക്കാനായില്ല.
രാഹുലിന് പകരം ക്വിന്റണ്‍ ഡി കോക്കോ നിക്ലസ് പൂരനോ ആകും ലക്‌നൗ സൂപ്പര്‍ ജയന്റ്സിന് വേണ്ടി വിക്കറ്റിന് പിന്നിലുണ്ടാവുക.
