അഹമ്മദാബാദ്: ഐപിഎല് ഫൈനലില് റോയല് ചലഞ്ചേഴ്സ് ബെംഗളൂരുവിന് 156 റണ്സ് വിജയലക്ഷ്യം. ആദ്യം ബാറ്റുചെയ്ത ഗുജറാത്ത് നിശ്ചിത 20 ഓവറില് എട്ട് വിക്കറ്റിന് 155 റണ്സെടുത്തു.
വാഷിംഗ്ടണ് സുന്ദര് അര്ധസെഞ്ച്വറി നേടി.രണ്ടാം കിരീടമാണ് ഇരു ടീമുകളുടേയും ലക്ഷ്യം. റോയല് ചലഞ്ചേഴ്സ് ബെംഗളൂരു തുടര്ചാമ്പ്യന്പട്ടം മോഹിച്ചെത്തുമ്പോള് കിരീടം തിരിച്ചുപിടിക്കലാണ് ഗുജറാത്ത് ടൈറ്റന്സ് ലക്ഷ്യമിടുന്നത്.
ടോസ് നഷ്ടപ്പെട്ട് ബാറ്റിംഗിനിറങ്ങിയ ഗുജറാത്ത് തുടക്കത്തില് തന്നെ പതറി. മൂന്നാം ഓവറില് ഗുജറാത്ത് നായകന് ശുഭ്മാന് ഗില്ലിന്റെ വിക്കറ്റാണ് ടീമിന് ആദ്യം നഷ്ടമായത്. എട്ടുപന്തില് നിന്ന് വെറും പത്ത് റണ്സെടുക്കാനേ താരത്തിന് കഴിഞ്ഞുളളൂ. നാലാം ഓവറില് സായ് സുദര്ശനും പുറത്തായി. 12 പന്തില് നിന്ന് 12 റണ്സാണ് താരം നേടിയത്. ഇതോടെ ഗുജറാത്ത് നാലോവറില് 30-2 എന്ന നിലയിലായി.
മൂന്നാം വിക്കറ്റില് ഒന്നിച്ച ജോസ് ബട്ട്ലറും നിഷാന്ത് സിന്ധുവും ടീമിനെ അമ്പത് കടത്തി. എന്നാല് സ്കോര് 55 ല് നില്ക്കേ 18 പന്തില് നിന്ന് 20 റണ്സ് നേടി നിഷാന്ത് സിന്ധു പുറത്തായി. ഒരു ഘട്ടത്തില് പത്തോവറില് 63-4 എന്ന നിലയിലായിരുന്നു ഗുജറാത്ത്.
13-ാം ഓവറിലെ ആദ്യ പന്തില് ക്രുണാല് പാണ്ഡ്യ ജോസ് ബട്ട്ലറെ പുറത്താക്കി. 23 പന്തില് നിന്ന് 19 റണ്സാണ് ബട്ടലര് നേടിയത്. ക്രീസിലെത്തിയ അര്ഷാദ് ഖാന് ആറുപന്തില് നിന്ന് 15 റണ്സെടുത്ത് നില്ക്കെ സലാം ധര് പുറത്താക്കി.
ബെംഗളൂരുവിനായി റാസിഖ് സലാം ധര് മൂന്ന് വിക്കറ്റെടുത്തു. ഭുവനേശ്വര് കുമാര്, ജോഷ് ഹേസല്വുഡ് എന്നിവര് രണ്ട് വീതം വിക്കറ്റെടുത്തു.
മറുപടി ബാറ്റിംഗ് ആരംഭിച്ച ആര് സി ബി തകര്ത്തടിക്കുകയാണ്. ഒടുവില് വിവരം ലഭിക്കുമ്പോള് നാലോവറില് അമ്പത്തിഅഞ്ച് റണ്സെടെുത്തിട്ടുണ്ട്.വെങ്കടേഷും കോഹ് ലിയുമാണ് ക്രീസില്.
