ന്യൂദല്ഹി: റഷ്യന് ഫെഡറേഷന്റെ പ്രസിഡന്റായി വീണ്ടും തെരഞ്ഞെടുക്കപ്പെട്ട വഌഡിമര് പുടിനെ അഭിനന്ദിച്ച് പ്രധാനമന്ത്രി നരേന്ദ്ര മോദി. ഇന്ത്യയും റഷ്യയും തമ്മിലുള്ള തന്ത്രപരമായ പങ്കാളിത്ത ബന്ധം കൂടുതല് ശക്തമാക്കാന് താന് ആഗ്രഹിക്കുന്നുവെന്നും പ്രധാനമന്ത്രി എക്സില് കുറിച്ചു.
റഷ്യന് പ്രസിഡന്റായി വീണ്ടും തിരഞ്ഞെടുക്കപ്പെട്ട വ്ലാഡിമര് പുടിന് ഊഷ്മളമായ അഭിനന്ദനങ്ങള്. വരും വര്ഷങ്ങളിലും ഇന്ത്യയും റഷ്യയും തമ്മിലുള്ള പ്രത്യേകവും തന്ത്രപരമായ പങ്കാളിത്തവും കൂടുതല് ശക്തിപ്പെടുത്തുന്നതിന് ഒരുമിച്ച് പ്രവര്ത്തിക്കാന് പ്രതീക്ഷിക്കുന്നു. ഇന്നാണ് റഷ്യന് പ്രസിഡന്റ് തെരഞ്ഞെടുപ്പില് വ്ളാദിമിര് പുടിന് അഞ്ചാമതും വിജയം നേടിയത്. 87 ശതമാനത്തിലധികം വോട്ടുകള് സ്വന്തമാക്കിയാണ് പുടിന് വീണ്ടും അധികാരത്തിലേറിയിരിക്കുന്നത്.
Warm congratulations to H.E. Mr. Vladimir Putin on his re-election as the President of the Russian Federation. Look forward to working together to further strengthen the time-tested Special & Privileged Strategic Partnership between India and Russia in the years to come.…
— Narendra Modi (@narendramodi) March 18, 2024
വരുന്ന ആറ് വര്ഷത്തെ ഭരണം പുടിന് ഉറപ്പിക്കുന്നതോടെ അധികാരക്കസേരയില് ഏറ്റവും കൂടുതല് നാള് ഇരുന്ന ഭരണാധികാരിയെന്ന ജോസഫ് സ്റ്റാലിന്റെ റെക്കോര്ഡ് പുടിന് മറികടന്നു. വിജയത്തിന് പിന്നാലെ ജനങ്ങള്ക്ക് നന്ദി അറിയിച്ച് പുടിന് രംഗത്തെത്തി. ജനങ്ങള് തന്റെ മേല് അര്പ്പിച്ച വിശ്വാസത്തിനും പിന്തുണയ്ക്കും നന്ദി അറിയിക്കുന്നതായി പുടിന് പറഞ്ഞു.
