ദേവികുളം: മൂന്നാറില് ജനവാസമേഖലയില് വീണ്ടും കാട്ടാനയിറങ്ങി. സെവന്മല എസ്റ്റേറ്റിലെ പാര്വതി ഡിവിഷനില് രാവിലെയാണ് കട്ടക്കൊമ്പന് ആനയെത്തിയത്.
തോട്ടംതൊഴിലാളികളാണ് അനയെ കണ്ടത്. ഉടന്തന്നെ വനംവകുപ്പിനെ വിവരമറിയിച്ചെങ്കിലും ഉദ്യോഗസ്ഥര് എത്തുന്നതിന് മുമ്പുതന്നെ ആളുകള് ബഹളംവച്ച് ആനയെ തുരത്തി.
ആന ഉള്ക്കാട്ടിലേക്ക് കയറിയെന്നാണ് വനംവകുപ്പ് അധികൃതര് അറിയിച്ചത്. പ്രദേശത്ത് ജാഗ്രതാനിര്ദേശം നല്കിയിട്ടുണ്ട്.
കട്ടക്കൊമ്പന് മുമ്പ് രണ്ടുപേരെ കൊലപ്പെടുത്തിയിട്ടുണ്ടെന്നാണ് നാട്ടുകാര് പറയുന്നത്. എന്നാല് വനംവകുപ്പ് ഇത് സ്ഥിരീകരിച്ചിട്ടില്ല.
