ആലപ്പുഴ: യുവതി കൊല്ലപ്പെട്ട കേസില് സുഹൃത്ത് അറസ്റ്റില്. ആലപ്പുഴ നഗരസഭ വഴിച്ചേരി വാര്ഡില് ഹെഡ് പിഒയില് കണ്ടത്തില് വീട്ടില് രാകേഷ് (41) ആണ് അറസ്റ്റിലായത്. 14 വര്ഷമായി ഇയാളുടെ വീട്ടില് കഴിഞ്ഞുവന്ന ആലപ്പുഴ മുനിസിപ്പല് ജില്ലാ കോടതി വാര്ഡില് തത്തംപള്ളി പിഒയില് വെളിംപറമ്പ് വീട്ടില് ഷാജിയുടെ ഭാര്യ സുനിത (44) ആണ് മരിച്ചത്. രാകേഷിന്റെ വീട്ടില് കുളിമുറിയില് തലയടിച്ച് വീണ് മരിച്ച കേസില് സൗത്ത് പോലീസ് നടത്തിയ അന്വേഷണത്തിലാണ് കൊലപാതകമെന്ന് തെളിഞ്ഞത്.
ഭര്ത്താവുമായി പിണങ്ങി കഴിഞ്ഞിരുന്ന സുനിതയും രാകേഷും തമ്മില് ഹൗസ് ബോട്ടില് ജോലിചെയ്ത് വരവെ അടുപ്പത്തിലാവുകയും, തുടര്ന്ന് രാകേഷിന്റെ വീട്ടില് ഒരുമിച്ച് കഴിയുകയുമായിരുന്നു. ഇവര് തമ്മിലുണ്ടായ വഴക്കിനെ തുടര്ന്ന് സുനിതയെ രാകേഷ് ദേഹോപദ്രവം ഏല്പ്പിക്കുകയും മറ്റും ചെയ്തപ്പോഴാണ് മരിച്ചതെന്ന് തെളിഞ്ഞു. സൗത്ത് ഐഎസ്എച്ച്ഒ കെ.പി. ടോംസന്റെ നേതൃത്വത്തില് എസ്ഐ മാരായ അജ്മല് ഹുസൈന്, സന്തോഷ് കെ., അശോകന്, എസ്സിപിഒ മാരായ വിജു എസ്, രശ്മി ജി., ജോജോ എന്നിവര് ചേര്ന്ന് അറസ്റ്റ് ചെയ്തു. കോടതിയില് ഹാജരാക്കിയ പ്രതിയെ റിമാന്റ് ചെയ്തു.
