ചണ്ഡീഗഡ്: പഞ്ചാബിന്റെ താൽപ്പര്യങ്ങൾ സംരക്ഷിക്കാൻ യോജിച്ച ഒരേയൊരു പാർട്ടി ബിജെപിയാണെന്ന് ബിജെപി അധ്യക്ഷൻ സുനിൽ ജാഖർ. പഞ്ചാബ് ഭരിക്കുന്ന അഹങ്കാരം നിറഞ്ഞ ആം ആദ്മി പാർട്ടിയെ കടന്നാക്രമിച്ച അദ്ദേഹം ലോക്സഭാ തെരഞ്ഞെടുപ്പിൽ ജനങ്ങൾ അവരെ പാഠം പഠിപ്പിക്കുമെന്നും പറഞ്ഞു.
ദൽഹി, ഗുജറാത്ത്, ഹരിയാന, ഗോവ എന്നിവിടങ്ങളിൽ ആം ആദ്മി പാർട്ടിയും കോൺഗ്രസും തമ്മിലുള്ള വ്യാജ സഖ്യത്തെക്കുറിച്ചും പഞ്ചാബിൽ സ്വതന്ത്രമായി തിരഞ്ഞെടുപ്പിനെ നേരിടാനുള്ള അവരുടെ പ്രഖ്യാപനത്തെയും അദ്ദേഹം പരിഹസിച്ചു.
തിരഞ്ഞെടുപ്പ് പ്രഖ്യാപനത്തിനായി കാത്തിരിക്കുകയാണെന്നും പഞ്ചാബിലെ മുഖ്യമന്ത്രി ഭഗവന്ത് മാന്റെ നേതൃത്വത്തിലുള്ള ഭരണത്തിന്റെ അഹങ്കാരത്തിനെതിരെ ജനങ്ങൾ പരസ്യമായി രംഗത്തുവരുമെന്നും അദ്ദേഹം വ്യക്തമാക്കി. എഎപിയും കോൺഗ്രസും തമ്മിലുള്ള നിയമവിരുദ്ധമായ പങ്കാളിത്തവും തങ്ങൾ കണ്ടിട്ടുണ്ടെന്നും ജാഖർ തുറന്നടിച്ചു.
