തിരുവനന്തപുരം:വര്ക്കല ബീച്ചിലെ ഫ്ലോട്ടിങ് ബ്രിഡ്ജിലുണ്ടായ അപകടത്തില് നിരവധി പേര്ക്ക് പരിക്കേറ്റു. കുട്ടികളും സ്ത്രീകളും ഉള്പ്പെടെ 15 പേര്ക്കാണ് പരിക്കേറ്റത്.
അപകടത്തില് പെട്ട രണ്ടുപേരുടെ നില ഗുരുതരം. ശക്തമായ തിരയില് ഫ്ലോട്ടിങ് ബ്രിഡ്ജിന്റെ കൈവരി തകരുകയായിരുന്നു. തിരമാല വീണ്ടും ശക്തമായി അടിച്ചതോടെ ഫ്ലോട്ടിങ് ബ്രിഡ്ജിലുണ്ടായിരുന്നവര് കടലിലേക്ക് വീണു.
ലൈഫ് ജാക്കറ്റ് ധരിച്ചിരുന്നെങ്കിലും ശക്തമായ തിരയില് കടലില് വീണവര്ക്ക് പെട്ടെന്ന് കരയിലേക്ക് നീങ്ങാനായില്ല. സുരക്ഷാ ജീവനക്കാര് ഉടന് തന്നെ കടലില് വീണവരെ കരയിലെത്തിക്കുകയായിരുന്നു. ഇവരെ ഉടന് തന്നെ ആശുപത്രിയിലേക്ക് മാറ്റി.
