ന്യൂദല്ഹി: അടുത്ത 10 വര്ഷത്തേക്കും പ്രധാനമന്ത്രി നരേന്ദ്ര മോദി മാത്രമായിരിക്കും അമിത് ഷാ. കഴിഞ്ഞ 10 വര്ഷമായി സര്ക്കാര് നടത്തിയ വികസനം ഊന്നിപറഞ്ഞുകൊണ്ട് റിപ്പബ്ലിക് ടിവി ഉച്ചകോടി 2024 ല് സംസാരിക്കുകയായിരുന്നു കേന്ദ്ര ആഭ്യന്തര മന്ത്രി.
പ്രകടനങ്ങള് വിലയിരുത്തി അതിനനുസരിച്ച് മറുപടി നല്കുന്ന ചലനാത്മക ജനാധിപത്യമാണ് നമ്മുടെ രാജ്യത്ത് ഉള്ളത്. കോണ്ഗ്രസ് ഭരണകാലത്ത് അത് മത പ്രീണനവും, ജാതി മത ചിന്തകളുമായിരുന്നു. എന്നാല് ഇന്ന് ജനം വോട്ട് ചെയ്യുന്നത് വികസനത്തിന്റെ തോത് നോക്കിയാണ്. അടുത്ത പത്തുവര്ഷത്തെ രാഷ്ട്രീയ വീക്ഷണത്തെക്കുറിച്ച് ചോദിച്ചപ്പോഴായിരുന്നു അമിത് ഷായുടെ പ്രതികരണം.
ഇന്ന് രാജ്യത്ത് പ്രധാനമന്ത്രി നരേന്ദ്രമോദി സ്ഥാപിച്ചത് പ്രകടനത്തിന്റെ രാഷ്ട്രീയമാണ്, വികസനത്തിന്റെ രാഷ്ട്രീയമാണ്. അതുകൊണ്ടുതന്നെ ഇനി ആരാണ് അധികാരത്തില് തുടരേണ്ടതെന്ന് പ്രകടനം നിര്ണ്ണയിക്കും, പ്രകടനം നടത്തുന്നവര്ക്ക് രാജ്യം അവസരം നല്കും.
മികച്ച പ്രകടനം നടത്തിയാല് അധികാരത്തില് തുടരും, പോരായ്മകള് നിയന്ത്രിച്ചില്ലെങ്കില് വിജയിക്കില്ല. അടുത്ത 10 വര്ഷത്തെക്കുറിച്ച് നിങ്ങള് ചോദിച്ചതിനാല്, അടുത്ത 10 വര്ഷത്തേക്ക് അത് പ്രധാനമന്ത്രി നരേന്ദ്ര മോദി മാത്രമായിരിക്കുമെന്ന് എനിക്ക് നിങ്ങളോട് പറയാന് കഴിയുമെന്നും അദേഹം വ്യക്തമാക്കി.
